web counter
LEXO PA REKLAMA!

SHKARKO APP

App Store
Google Play

Çfarë na tregojnë përgjimet e Erion Veliajt në burgun e Durrësit?

7 Prill 2025, 16:56, Editorial CNA

Çfarë na tregojnë përgjimet e Erion Veliajt në burgun

Për 5 ditë rresht CNA ka publikuar pa ndalim, vazhdon dhe sot dhe në vijim, disa dhjetëra faqe përgjime të bëra në ambientet e burgut të Durrësit ku ndodhet i burgosur Erion Veliaj.

E gjithë beteja e Veliajt ka qenë mediatike, por dhe kundër institucioneve të tjera si Ministria e Drejtësisë,  KLP, biznesi etj. (LEXO KETU)

Në marrëdhënien e tij mediatike, dy janë emrat kryesorë, Carlo Bollino dhe Mero Baze, por dhe mediat kryesore në vend ku spikat "Report TV" dhe "Tema", por dhe "Top Channel", për mbulimin e asaj që bën Veliaj.

Çfarë kërkon Erioni?

Erioni kërkon që mediat të japin në lajmet e tyre statuset e tij, që ato të publikohen live dhe kështu ndodh. Sapo Erioni hedh statuset, ato publikohen.

Por, çfarë përmbajnë këto statuse?

Këto statuse përmbajnë sharje, shpifje, fyerje dhe kërcënime, të bëra ndaj prokurorëve dhe gjykatësve.

Çfarë na mësojnë këto përgjime?

Disa mund ta shohin me një sy kritik, dikush tjetër mund të jetë më gjakftohtë. Në syrin kritik thua se këtu kemi të bëjmë me “një grup të strukturuar kriminal”, sepse ke një kryetar organizate që është Erioni, ke shpërndarësit dhe zbatuesit që janë Mero, Carlo, “Top”-i etj., që çuditërisht në fakt janë të njëjtat media dhe televizione të paguara nga paratë e aferave të inceneratorëve, të koncesioneve, të qeverisë, paguar nga paratë e Arbër Veliajt, vëllait të kryebashkiakut, janë të njëjtët dhe financieri që është ky i fundit, pra urdhëruesi, zbatuesi dhe ekonomisti. Gjithçka është një skemë e mbyllur.

Duke e parë me gjakftohtësi, duke lënë mënjanë veprat penale që na tregon përgjimi i Erion Veliajt, të cilat fillojnë nga shpifja te ndikimi dhe ushtrimi i paligjshëm ndaj zyrtarëve deri te kanosjet që vetë drejtpërdrejt Veliaj u ka bërë prokurorëve dhe gjyqtarëve apo deri tek korrupsioni aktiv dhe korrupsioni pasiv në privat që ka të bëjë me paratë që marrin këta njerëz për këto shërbime të ofruara.

Duke lënë mënjanë veprat penale apo duke e parë me gjakftohtësi në përgjime e kupton se Erion Veliaj dhe njerëzit e tij të mediave jetojnë në një tjetër univers.

Vërtetë Erion Veliaj jeton në një univers tjetër.

Universin e të paprekshmit që mund të bënte çfarë të donte dhe këtë mendonte se mund ta zgjidhte me pushtetin dhe karrigen e kryetarit të bashkisë.

Se, mund të ishte i përjetshëm, dhe do të përdorte media dhe me këto media do të trembte Altin Dumanin apo Ols Dadon, do të trembte gjyqtarin Erjon Bani apo gjyqtarin Engert Pëllumbi, ndaj të cilëve çfarë nuk thanë dhe çfarë nuk bënë.

Të lëmë mënjanë veprat penale dhe gjithçka që kanë bërë, thjesht lind pyetja: “Si ka mundësi që Tirana është qeverisur kaq vite nga një njeri kaq i pështirë dhe kaq i neveritshëm në marrëdhënie me njerëzit?”

Që thjeshtë dhe vetëm dirigjon nga qelia sulme, akuza, skema, skenarë, trillime, mashtrime, nga më të pështirat.

Këshillohet, gjen dëshmitarë, shpik 2 milionë euro, prodhon lajme të rreme, sulmon media, gazetarë, prokurorë, gjyqtarë, mashtrime nga më të ndryshmet dhe qëllimi i vetëm është për të ndalur prokurorët duke u thënë keni nxjerrë sekretin hetimor.

“Pse flet KLP-ja, ajo është e jona”. Ky është një tjetër skandal më vete që dëgjohet në ato përgjime.

Dhe, ajo që mëson në fund është se sa i turpshëm është fakti se kush e ka drejtuar Tiranën këto vite. Se si janë mashtruar qytetarët e Tiranës gjithë këto vite, se si janë mashtruar shqiptarët gjithë këto vite nga ata që dje prodhuan një “Griselda”, që bashkë me ta janë dhe ata që thanë se “George Bush”-it i kishin vjedhur orën, janë po ata që thanë që inceneratori i Tiranës është atje megjithëse ai nuk ekziston, janë ata që kanë thënë sa të mirë janë inceneratorët megjithëse ato nuk punojnë apo nuk kanë përfunduar, janë ata që thonë sa të mira janë koncesionet, koncesionet në shëndetësi, që për njërin prej tyre është një ministër në burg, Ilir Beqaj.

I duan koncesionet sepse ata që i marrin ato i paguajnë direkt dhe indirekt, edhe nëpërmjet Arbër Veliajt dhe nëpërmjet të tjerëve.

Ja, kjo është e gjithë skema që mësuam.

Këtë herë të shkruar e zeza mbi të bardhë, e thënë nga goja e kryebashkiakut dhe nga përgjimet. Ai i thoshte ata i zbatonin, se që kjo ndodhte, se kush ishin këta dhe çfarë shërbërtorë të zellshëm ishin, e dinin të gjithë.

Dikush ka 20 vjet që ha bukë dhe është bërë miliarder dhe pronar hotelesh vetëm duke sharë Sali Berishën, bashkë me atë tjetrin katundarin e Leçes së Italisë që vjen dhe jep mend, leksione dhe pretendon që është gazetar europian ku në fakt nuk di të bëjë gjë tjetër thjesht dhe vetëm për çdo të vërtetë që i del përballë ia atashon Berishës.

Ka 20 vjet që e bëjnë këtë lloj shërbimi dhe në këtë formë dhe për arsyet që i dinë të gjithë.

I di gjithë bota e gazetarëve dhe të gjithë qytetarët se nuk janë aq budallenj sa i mendon Carlo apo Mero, por nuk i kishin parë dhe dëgjuar nga vetë goja e kryebashkiakut, të shkruar të zezën mbi të bardhë që t’i përdorte si letër higjienike duke i urdhëruar për të bërë veprime të cilat në fakt janë vepra penale.

Dhe, me gjakftohtësinë më të madhe thjesht dhe vetëm lexon dhe mëson diçka të pështirë, të turpshme, lexon dhe kupton se çfarë këllire gatuhet në korridoret e pista të politikës dhe korrupsionit./ CNA

 





Lajmet e fundit nga