web counter
LEXO PA REKLAMA!

SHKARKO APP

App Store
Google Play

Që Carlo Bollino dhe Mero Baze të kuptojnë manipulimin

6 Prill 2025, 21:01, Aktualitet CNA

Që Carlo Bollino dhe Mero Baze të kuptojnë manipulimin

Në zbardhjen e dosjes së përgjimeve, CNA ka sjellë materiale të plota me fakte dhe prova të padiskutueshme.

Kanë filluar sharjet, sulmet. Muzika e vjetër e çoroditur e njerëzve të lidhur me korrupsionin e pushtetit. E pranojnë dhe vetë, pasi edhe pse thonë jemi mbrojtës të Erion Veliajt dhe të pushtetit të Edi Ramës dhe bëjnë propagandë për të 24 orë, nga ana tjetër e pranojnë dhe që ka ministra të korruptuar qeveria e Ramës.

Që Carlo Bollino dhe Mero Baze të kuptojnë manipulimin

Që Carlo Bollino dhe Mero Baze të kuptojnë manipulimin

 

Për më tepër bëjnë akuza, por nuk merren me të vërtetën dhe kur duan të merren me të vërtetën vazhdojnë gënjejnë dhe mashtrojnë opinionin publik. E bënë me lajmin e përgjimeve për sulmin ndaj prokurorit Ols Dado, me 3 dëshmitarë, 2 milionë euro. Shkrimin mund ta lexoni këtu.

CNA e publikoi përgjimin dhe nuk janë një, por tri raste të ndërtuara nga propaganda e pushtetit që në dhjetor, kur Sali Berisha filloi të thoshte se Ols Dado ishte Olsi i famshëm që flisnin bandat e Shijakut për çështjen e kostumit.

Këto materiale, që më pas u verifikuan, dhe Berisha disa herë më pas kërkoi ndjesë, ishin çuar në rrjetet e tij sociale nga njerëz afër propagandës së pushtetit, për të mos thënë nga numra anonimë që përdoren shpesh për të çuar të tilla “fake news”, apo profile false në rrjetet sociale.

Herën e dytë e krijuan në dy linja, 2 milionë eurot që i shkruan vetë në një media anonime, që dihet në pronësi të kujt është, kush e paguan, kush e mbron dhe çfarë ndodh, u shkrua se prokurori Ols Dado kishte marrë 2 milionë euro. Pra pikërisht për atë që kishte thënë në përgjime Erion Veliaj me bashkëshorten e tij Ajola Xoxa.

Që Carlo Bollino dhe Mero Baze të kuptojnë manipulimin

Më tej dhe një shkrim në "Syri.net" në mediat e opozitës, ku flitej për gjyqtarin Engert Pëllumbi dhe te ky rastësisht ishte e njëjta shumë, 2 milionë euro. Por dhe ky një lajm i çuar në media opozitare nëpërmjet lojëtarëve të pushtetit, konflikteve ndoshta të brendshme, përplasjeve që kanë socialistët, nëpërmjet informacioneve që dalin. Dihet dhe kush i kontrollon burgjet, se Drejtorinë e Burgjeve nuk e ka opozita, e ka vetë mazhoranca.

Dihen dhe konfliktet brenda tyre, emrat që përplasen dhe një lajm i pakonfirmuar, i paverifikuar nga media opozitare u trajtua ndoshta dhe fatkeqësisht politikisht. Ishin tri, tri gjurmë manipulimi, që vinin me dirigjencë. E nxjerr "Syri" dhe lajmin e "Syrit" e riprodhon Carlo me Meron. Çudi e madhe! Si ka mundësi të riprodhojnë të tilla lajme nga mediat opozitare? Sepse riprodhimi i lajmit, ata e dinë shumë mirë, thjesht dhe vetëm i jep më shumë zë dhe audiencë atje ku një media opozitare nuk e ka.

Çfarë është manipulimi te zëri, kur Erion Veliaj flet me Ajola Xoxën dhe kjo e fundit i thotë po pastrohet? Po, një pastrim zëri do të thotë një cilësi më e lartë e tij, por manipulimi nuk është te fakti i pastrimit të zërit.

Manipulimi është se mediat e pushtetit nxorën një procesverbal me fjalën “ndyrësirë”, një procesverbal të një seance gjyqësore në GJKKO. Në fakt fjala “ndyrësirë” nuk ka ekzistuar, nuk ka procesverbal me fjalën "ndyrësirë". Nxorën audio dhe kur e publikuan në mediat e tyre thanë se del audiopërgjimi me fjalën “ndyrësirë”.

Që Carlo Bollino dhe Mero Baze të kuptojnë manipulimin

 

Që Carlo Bollino dhe Mero Baze të kuptojnë manipulimin

Që Carlo Bollino dhe Mero Baze të kuptojnë manipulimin

 

Ky është manipulimi dhe kur bëhet me urdhër nga një i burgosur, për të kanosur, kërcënuar, shantazhuar prokurorë dhe gjyqtarë është vepër penale. Se kush e ka dirigjuar tashmë dihet. Se cilat janë manipulimet tashmë dihen. Se cilat janë kërcënimet tashmë dihen.

Por meqenëse bëjnë sikur nuk i kuptojnë, po ua përsërisim dhe do ta kenë çdo ditë me fakte dhe prova vetëm për të vërtetën.

Megjithëse tashmë e kanë vështirë të kuptojnë, të pamundur të reflektojnë, se janë shitur kaq keq, janë kaq të pamoralshëm në këtë histori, saqë mjafton vetëm të kthejnë përgjigje dhe të reagojnë, sepse e kupton në çfarë llumi janë zhytur./ CNA

 

 





Lajmet e fundit nga