web counter
LEXO PA REKLAMA!

SHKARKO APP

E fundit!

x

Kryepiskopi Joan: Ja çfarë lexova në librat e Fan Nolit kur isha në Amerikë

5 Prill 2025, 09:19, Aktualitet CNA

Kryepiskopi Joan: Ja çfarë lexova në librat e Fan Nolit kur

Kryepiskopi Joan ka rrëfyer për studimet e tij në Amerikë, ku tregoi se arsyeja pse vendosi të kthehej ishte një premtim që kishte bërë për të shërbyer në vendin e tij.

I ftuar në podkastin e kryeministrit Edi Rama, Kryepiskopi Joan tregoi se kur ishte me studime në Amerikë, teksa po sistemonte bibliotekën e Fan Nolit, lexoi një shënim të tijin ku shkruante: “Kisha mbeti për mua gjithmonë dashuria ime e parë. Nëse kryevepra ime në fushën politike dhe diplomatike ka qenë pranimi i Shqipërisë në Lidhjen e Kombeve, në fushën letrare ka qenë Kremtorja”.

Kryepiskopi Joan u shpreh se Fan Noli është një figurat themelore të Kishës Orthodhokse që ka dhënë një kontribut të jashtëzakonshëm.

“Fan Noli është një figurë shumë e rëndëishme për kishën. Perëndia e kishte pajisur me talente të jashtëzakonshme.

Kur isha në Amerikë, punuam për të sistemuar bibliotekën e Fan Nolit dhe aty lexova një shënim ku shkruante: 'Kisha mbeti për mua gjithmonë dashuria ime e parë. Nëse kryevepra ime në fushën politike dhe diplomatike ka qenë pranimi i Shqipërisë në Lidhjen e Kombeve, në fushën letrare ka qenë 'Kremtorja''.

'Kremtorja' është një libër shumë i vështirë për t'u përkthyer. Ai e ka përkthyer nga greqishtja e vjetër. Përkthimi i tij është i papërsërishtëm.

Njihte mirë muzikën kishtare. Fan Noli është një nga figurat themelore të Kishës Orthodhokse”, u shpreh Kryepiskopi Joan./ CNA





Lajmet e fundit nga