web counter
LEXO PA REKLAMA!

SHKARKO APP

App Store
Google Play

E fundit!

x

“Zoti më mundësoi në një periudhë të errët, të gjej dritën”/ Të pathënat e Kryepiskop Joanit

4 Prill 2025, 11:31, Aktualitet CNA

“Zoti më mundësoi në një periudhë të

Kryepiskopi i Tiranës, Durrësit dhe i gjithë Shqipërisë, Joani, ka dhënë një intervistë për median greke "ERTNews" ku ka folur për studimet në shkollën teologjike në Boston, për kthimin e tij në Shqipëri, për kontributin e Kryepiskopit të ndjerë Anastas dhe se si Kisha mund të prekë brezin e ri.

“Zoti më mundësoi në një periudhë të

Fillimisht Fortlumturia e tij është ndalur tek ajo se çfarë e ka frymëzuar që t’i kushtojë jetën Orthodhoksisë, si dhe studimet e bëra jashtë vendit.

"Kontakti im i parë me ungjillin ishte në shkollën e mesme. Një mik i vëllait më dha një libër në frëngjisht. Ai nuk e dinte se çfarë libri ishte. Sapo kisha mësuar frëngjisht. Kur lexova Ungjillin ndjeva diçka brenda meje që është e vështirë të përshkruhet",-tha Imzot Joani.

Kryepiskopi theksoi se pavarësisht se studioi në Amerikë, kishte dëshirë të kthehej në Shqipëri në fillim të viteve ’90 për të dhënë kontributin e tij në ringritjen e kishës, ndërsa ndau edhe detaje nga njohja me kryepiskopin Anastas. Kryepiskopi Joan theksoi se kryepiskopi Anastas ka një kontribut të madh në ringritjen e Kishës Orthodhokse Autoqefale të Shqipërisë.

"Kam studiuar në Boston, kam bërë një master në Teologji dhe një diplomë akoma më të lartë në Teologji dhe kur mbarova studimet, ndoshta një vit para se të mbaroja studimet, rashë në kontakt me Kryepiskopin Anastas nëpërmjet Mitropolitit Dimitrios, që e kisha mësues të Dhjatës së Vjetër, i cili më tregoi për kryepeshkopin",-tha Imzot Joani.

“Zoti më mundësoi në një periudhë të.

Imzot Joani u ndal edhe te roli i Kishës në trajtimin e problemeve sociale si varfëria, papunësia dhe emigracioni. Ai theksoi se detyra e kishës është të ndihmojë të gjithë ata që janë të varfër nga pikëpamja ekonomike, por edhe shpirtërore, që të kenë një jetë të pasur shpirtërore.

Kryepiskopi nuk ngurroi të përcjellë një mesazh për të rinjtë që kërkojnë besim dhe shpresë. Në mbyllje të intervistës foli dhe për atë që e konsideron mrekullinë më të madhe që ka përjetuar në jetën e tij, që ishte kontakti me Ungjillin.

"Me dashuri dhe respekt për të rinjtë, dua t'i këshilloj që të gjejnë një qëllim në jetën e tyre, sepse kjo është pikërisht ajo që ndryshon epoka moderne. Qëllimi i ekzistencës ka humbur",-tha Kryepiskopi.

“Zoti më mundësoi në një periudhë të

Imzot Joan Pelushi u zgjodh Kryepiskop i Kishës Orthodhokse Shqiptare në 16 mars pasi Kryepiskopi Anastas ndërroi jetë, ndërsa u fronëzua në krye të kishës më 29 mars./CNA





Lajmet e fundit nga