web counter
LEXO PA REKLAMA!

SHKARKO APP

App Store
Google Play

Hetimet për SASPAC/ Ja pasuritë që iu sekuestuan ish-ministrit Beqja dhe bashkëpunëtorëve

2 Prill 2025, 17:51, Aktualitet CNA

Hetimet për SASPAC/ Ja pasuritë që iu sekuestuan ish-ministrit

Këtë të mërkurë, Prokuroria e Posaçme njoftoi se ka mbyllur hetimet e dosjes “SASPAC”, ku i përfshirë është ish-ministrin Ilir Beqaj dhe 10 persona të tjerë dhe kërkoi gjykimin nga GJKKO të 11 të pandehurve për fondet e SASPAC.

Nga zbardhja e disa prej detajeve të kësaj çështjeje, mësohet se Beqajt dhe bashkëpunëtorëve u janë sekuestruar pasuri të shumta. Këto pasuri përfshijnë një apartament, llogari bankare dhe aksione.

Më konkretisht, Beqajt dhe 10 të pandehurve të tjerë iu sekuestruan një apartament në Lungomare, Vlorë, 3 llogari bankare që kapin vlerën mbi 20 milionë lekë dhe 19.4% aksione kompanish tregtare. Gjithashtu, janë sekuestruar edhe 3 automjete.

Sipas njoftimit të SPAK, në kuadër të hetimeve është vendosur sekuestro preventive mbi pasurinë e paluajtshme, të llojit apartament, me vendndodhje në Lungomare, Vlorë dhe disa llogarive bankare, e të tjera sekuestruar të pandehurve, si më poshtë vijon:

Lista e pasurive të sekuestruara:

-14 323 125 (katërmbëdhjetë milion e treqind e njëzetë e tre mijë e njëqind e njëzetë e pesë) lekë;

-15 542 (pesëmbëdhjetë mijë e pesëqind e dyzetë e dy) euro;

-42 318 (dyzetë e dy mijë e treqind e tetëmbëdhjetë) USD;

-19.4% të kuotave në një shoqëri tregtare 

-Tre automjete regjistruar në pronësi të pandehurve

Ish-ministri i Shëndetësisë, Ilir Beqaj u arrestua më 4 korrik 2024, i akuzuar se gjatë kohës që ka qenë drejtori i Agjencisë Shtetërore të Programimit Strategjik dhe Koordinimit të Ndihmës (SASPAC) ka abuzuar me fondet./CNA

 

 

 

 





Lajmet e fundit nga