web counter
LEXO PA REKLAMA!

SHKARKO APP

App Store
Google Play

E fundit!

x

Kërkuan para duke përdorur emrin e biznesmenit/ Pacolli: Mos u mashtroni

2 Prill 2025, 09:22, Aktualitet CNA

Kërkuan para duke përdorur emrin e biznesmenit/ Pacolli: Mos u

Biznesmeni Behgjet Pacolli u ka bërë thirrje të gjithë miqve të tij të mos mashtrohen nga mesazhet që u shkojnë në emër të tij pasi grupe kriminale po përdorin emrin e tij për të kërkuar shuma të mëdha parash.

Ai ka kërkuar që menjëherë nëse marrin mesazhe të tilla të kontaktojnë me policinë.

“LAJMËRIM PËR MIQTË E MI – JU LUTEM LEXONI!  

Kohët e fundit janë shfaqur grupe kriminale të sofistikuara që po përdorin metoda të ndryshme për të mashtruar njerëzit dhe për të përfituar shuma të mëdha parash.

Fatkeqësisht, një rast i tillë ka ndodhur edhe me identitetin tim, në Shqipëri.

Një person i panjohur ka përdorur fotografinë time dhe, përmes teknologjisë digjitale, ka imituar edhe numrin tim të telefonit. Ka kontaktuar disa nga miqtë e mi përmes ËhatsApp-it, duke kërkuar para me justifikimin se më duheshin urgjentisht në Tiranë, dhe se do t’i ktheja ditën tjetër.

Mesazhet ishin të tipit:

“Tani urgjentisht më nevojiten para në Tiranë. Po e dërgoj dikë t’i marrë, dhe nesër vij e ua kthej.”

Këto kërkesa kanë qenë për shuma të mëdha – nga 10 deri në 95.000 euro.

Fatkeqësisht, disa persona kanë besuar dhe kanë dërguar para.

Vetëm më 1 prill, një mik i vëmendshëm kuptoi se mënyra e të shkruarit nuk ishte e imja dhe më njoftoi menjëherë.

JU LUTEM: MOS U MASHTRONI!

Unë nuk kërkoj para nga askush.

Nëse merrni ndonjë mesazh të dyshimtë në emrin tim, mos reagoni – por njoftoni menjëherë policinë ose më informoni mua direkt.

Të gjithë së bashku mund t’u kundërvihemi këtyre mashtruesve pa skrupuj.

Ju kërkoj ndjesë për shqetësimin dhe ju falënderoj për mirëkuptimin dhe besimin!”, shkruan Pacolli./ CNA





Lajmet e fundit nga