web counter
LEXO PA REKLAMA!

SHKARKO APP

App Store
Google Play

E fundit!

x

“Ne nuk kemi asnjë në spital”/ Deklarata skandaloze e AKU për mishin me salmonelë

1 Prill 2025, 22:28, Aktualitet CNA

“Ne nuk kemi asnjë në spital”/ Deklarata skandaloze e AKU

Drejtori i menaxhimit të riskut në AKU, Martin Jorgaqi në një dalje televizive ka bërë një deklaratë skandaloze në lidhje me mishin me salmonelë të hedhur në treg.

Jorgaqi u shpreh se nuk ka asnjë person të shtruar në spital dhe e ka quajtur shpërndarjen e mishit me salmonelë thjesht një zhurmë mediatike.

Drejtori i AKU bie në kundërshtim me veten, pasi u shpreh se salmonela që është infektuar mishi është një nga dy llojet më të rrezikshme.

“Sasia e përgjithshme ka qenë 27 ton me një prej dy salmonelave më të rrezikshme që njihen. Arritëm që të kthenim një masë të konsiderueshme të këtij produkti. Kemi kthyer më shumë se 50% të 7,9 ton të këtij produkti. Subjekti që e ka sjellë e ka nxjerrë këtë produkt në treg, me të drejtë apo jo, këtë nuk di ta them sepse po hetohet çështja, por AKU ka bërë të mundur të gjejë se ku është shpërndarë produkti.

19 shtete europiane nuk kanë mundur dot të shmangnin shpërthimet në vendet e tyre, ndërsa këtu është bërë problematikë se ka hyrë mishi. Për të gjithë sasinë që po flasim, që ka 10 ditë që ka hyrë, sot spitalet duhet të ishin plot sepse salmonela i jep problemet për 2-4 ditë. Ne nuk kemi asnjë në spital, kemi vetëm zhurmën mediatike. Shpërthimi është kur njerëzit hanë të njëjtin produkt dhe sëmuren”, tha Jorgaqi./ CNA





Lajmet e fundit nga