web counter
LEXO PA REKLAMA!

SHKARKO APP

App Store
Google Play

E fundit!

x

"Show" i 1001 emocioneve starton sonte/ "Ferma VIP 2", nën drejtimin e Luana Vjollcës

31 Mars 2025, 11:16, Aktualitet CNA

"Show" i 1001 emocioneve starton sonte/ "Ferma VIP 2",

Sonte në orën 21:00 në "Vizion +" dhe "Tring", do të startojë "reality show" i 1001 emocioneve, "Ferma VIP", edicioni i dytë.

Ky program do të vijë nën drejtimin e moderatores Luana Vjollca, emisionet e së cilës kanë pasur një sukses të jashtëzakonshëm me miliona shikime në platformat sociale.

Në 2 kanale të dedikuara, "Ferma VIP" 1 dhe 2, platforma "Tring" do të përcjellë LIVE 24/7 gjithçka që ndodh në "Ferma VIP", duke e sjellë atë në çdo shtëpi shqiptarësh.

Do të jenë 90 ditë sfiduese për 16 fermerët e përzgjedhur me shumë kujdes si pjesë e një kasti, tashmë të shumëpërfolur dhe komentuar gjithkund, i cili do të prezantohet gjatë premierës së spektaklit, mbrëmjen e sotme, por që do të jetë gjithëpërfshirës dhe shumëdimensional, për kënaqësinë e target grupeve nga më të ndryshmet e audiencës.

Mbrëmjet e spektaklit "live" çdo të hënë dhe të premte, nën drejtimin e Luana Vjollcës, një prej figurave më të afirmuara dhe me ndikim në televizionin dhe estradën shqiptare, do të jenë të gjitha për t’u zbuluar puntatë pas puntate, surprizë pas surprize, sepse në "Ferma VIP 2", asgjë nuk duhet marrë si e mirëqenë.

Nën moton “për më shumë”, ky sezon do t’i vendosë fermerët para shumë më tepër sfidave të paparashikueshme, që do t’i sprovojnë ata në aspekte nga më të ndryshmet, si njerëz, si artistë, por edhe fizikisht, për të testuar reflekse dhe instinkte “nën trysni”, sepse "Ferma VIP" është edhe kjo.

 "Tring" do ta përcjellë këtë eksperiencë 24/7 edhe përmes aplikacionit "Tring OTT"./ CNA





Lajmet e fundit nga