E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Gjirokastra feston Fitër Bajramin/ Myftiu Aorel Senja: Lus Zotin e gjithësisë që t’iu ketë pranuar agjerimin

30 Mars 2025, 11:47, Aktualitet CNA

Gjirokastra feston Fitër Bajramin/ Myftiu Aorel Senja: Lus Zotin e

Mëngjesi i sotëm e gjeti Gjirokastrën të mbushur me atmosferën e shenjtë të Fitër Bajramit. Besimtarët, të shumtë në numër, u mblodhën për të kryer faljen e kësaj feste të bekuar. Ceremonia u zhvillua në Pallatin e Sportit, i cili u mbush plot me besimtarë të devotshëm.

Ceremonia nisi me leximin e Kuranit, duke sjellë qetësi dhe reflektim te të pranishmit. Më pas, besimtarët u bashkuan në faljen e namazit, duke e kthyer këtë moment në një shenjë bashkimi dhe devotshmërie.

Myftiu i Gjirokastrës, Aorel Senja mbajti një fjalim të ngrohtë, duke falënderuar komunitetin për përkushtimin e tyre në këtë muaj të shenjtë. Ai përcolli mesazhin e paqes dhe harmonisë, duke theksuar rëndësinë e vlerave familjare dhe solidaritetit.

“Në këtë ditë të madhe të Fitër Bajramit kam kënaqësinë të uroj të gjithë besimtarët myslimanë në qytetin e Gjirokastrës, por edhe më gjerë gëzuar Fitër Bajramin. Lus Zotin e gjithësisë që t’iu ketë pranuar adhurimet, agjerimin dhe përkushtimin tuaj gjatë muajit të begatë. Kjo është një ditë feste, një ditë gëzimi brenda familjeve tona, brenda komuniteteve tona duke e ndarë këtë gëzim me familjen tonë, me prindërit, me të afërmit dhe me të gjithë shoqërinë. Bajrami nuk është vetëm për ne si besimtarë myslimanë, por është një ditë kur ne ndajmë solidaritetin me njërzit që janë në nevojë duke u perpjekur që gëzimi, lumturia të futet në çdo pore të shoqërisë”, u shpreh myftiu Aorel Senja.

Një besimtare në urimin e saj, bëri thirrje për ta shfrytëzuar këtë ditë për të përhapur paqe e dashuri.

“Sot është një ditë e bekuar, një ditë e falënderimit dhe e gëzimit ndaj Zotit të gjithësisë për të gjitha meshirat dhe begatitë që Ai na ka dhënë. Pas një muaji agjërimi, lutjesh e sakrifice, ne kemi arritur në këtë Fitër Bajram, një festë që na ndihmon të kuptojmë më mirë rëndësinë e dashurisë, mirësisë dhe solidaritetit. Le ta shfrytëzojmë këtë ditë për të përhapur paqe e dashuri”, uroi një besimtare.

Pas faljes, besimtarët shkëmbyen përqafime dhe urime të përzemërta, duke e bërë këtë ditë edhe më të veçantë./ CNA