“Vëllezërit ortodoksë do të kenë një udhëheqës të bekuar”/ Ndregjoni mesazh urimi për Fortlumturinë e Tij, Joanin

29 Mars 2025, 20:33, Aktualitet CNA

“Vëllezërit ortodoksë do të kenë një
Presidenti i Unionit të ish të Burgosurve dhe Përndjekurve Politikë të Shqipërisë, Besim Ndregjoni me anë të një mesazhi ka uruar Fortlumturinë e Tij, Joanin për Fronëzimin si Kryepiskop i Tiranës, Durrësit dhe gjithë Shqipërisë.

Në mesazhin e urimit, Ndregjoni shkruan se ortodoksët do të kenë një udhëheqës shpirtëror të bekuar. Ndregjoni e mbyll urimin e tij duke shprehur mirënjohjen e të mbijetuarve të diktaturës për Fortlumturinë e Tij, Joanin.

“Sot kombi shqiptar futi në altarin e tij historik Fronzimin e Kryepeskopit shqiptarin e ndritur Joan Pelushi! Shkëlqesi Fortlumturia e tij Kryepeskopi i Tiranës Durrsit dhe gjithë Shqipërisë Joan Pelushi! Në emër të të burgosurve dhe të përndjekurve politikë të Shqipërisë, Fortlumturia Juaj pranoni lutjet e mbi 6000 të zhdukurve nga diktatura komuniste, si dhe të 36.000 të burgosurve politikë dhe të mbi 100.000 familjeve që u persekutuan vetëm se besonin në Zot, në mes tyre dhe të 39 klerikëve ortodoksë që u pushkatuan dhe u burgosën lutet ta gëzoni fronzimin.
Zoti e bëri të mundur që këtë ditë të shënuar Ju si Kryepeskopi i dytë shqiptar mbas të madhit e të pavdekshmit Visarion Xhuvanit të drejtoni këtë institucion fetar, por që i shërben dhe tejkalon kufijtë e besimit dhe fton të gjithë shqiptarët në ndërtimin e një shoqërie të drejtë të përulur të bashkuar e gjithmonë të vllazëruar! Ne që falëm dhe nuk urryem, ne që e kthyem urrejtjen në falje jemi tepër të gëzuar për detyrën tuaj të lartë dhe gëzohemi që vëllezërit ortodoksë do të kenë një udhëheqës shpirtëror e të bekuar në vazhdimësinë e besimit!
Me fronzimin tuaj në krye të Kishës Ortodokse autoqefale të Shqipërisë radhiteni krahas Prelatëve, Fan Nolit, Visarion Xhuvanit, Kristofor Krisit, Pais Vodicës, Damian Kokoneshit dhe Anastas Janullatosit.

Më lejoni Fortlumturia Juaj t’iu shpreh mirënjohjen e respektin e të mbijetuarve të diktaturës duke e mbyllur këtë urim: “Asgjë nuk është më e pëlqyeshme te Perëndia se një shpirt mirënjohës dhe falënderues”.
Me shumë dashuri dhe mirënjohje, Dr. Besim Ndregjoni/ Aktivist i të Drejtave dhe Lirive të Njeriut/ President i Unionit Mbarkombëtar të Integrimit të Burgosurve dhe të Përndjekurve Politikë të Shqipërisë”, shkruan Ndregjoni./ CNA