E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Tonelata mish me salmonelë në tryezat e shqiptarëve/ Muçollari: Të largohen qeveria dhe ministrja

29 Mars 2025, 10:06, Aktualitet CNA

Tonelata mish me salmonelë në tryezat e shqiptarëve/

Anëtari i Kryesisë së PD-së, njëherësh dhe kandidati i PD-së për Tiranën, Grigels Muçollari, në një deklaratë për mediat ka kërkuar largimin e menjëhreshëm të ministres Anila Denaj nga detyra pas skandalit me tonelatat e mishit me salmonelë që ka përfunduar në tryezat e shqiptarëve.

Ai i ka bërë thirrje prokurorisë që të mos merret me keqbërësit e vegjël, por të shkojë sa më parë në zyrën e ministres, e cila duhet të mbajë përgjegjësi për skandalin.

Deklarata e Muçollarit

As 32 pesticidet e dëmshme për shëndetin të ndaluara në BE, por që qarkullojnë lirisht në Shqipëri, as salmonela helmuese, nuk e bëjnë qeverinë, ministren e Bujqësisë, Anila Denaj, dhe AKU të lëvizin nga vendi.

Opinioni publik është tronditur dje nga zbulimi i faktit se në fillim të këtij muaji, 27 tonë fileto pule e prekur nga salmonela, ka hyrë në Portin e Durrësit.

Këtë e konfirmon zyrtarisht edhe AKU. Kjo agjenci pretendon se ka rënë në gjurmë të salmonelës që në doganën e portit. Por, nuk ka kryer detyrën për bllokimin e menjëhershëm.

Pra, një pjesë e madhe e kesaj sasie ka hyrë në treg.

Ka pasur dje gjithë ditën raportime për këtë situatë. Për shkak të mungesës së transparencës dhe papërgjegjshmërisë kriminale të ministres Denaj, versionet janë të ndryshme.

Por, askush nuk e mohon që mishi me lëndën helmuese ka mbërritur në marketet dhe shtëpitë e qytetarëve.

Ky është një skandal shumë i rëndë. Autoritetet tona së pari kanë reaguar me vonesë për analizat finale, dhe më e keqja, e kanë lejuar produktin të konsumohet.

Meqenëse as dëmtimi i shëndetit të qytetarëve nuk është arsye për zonjën Denaj të mbajë përgjegjësi, të bëjë transparencë e të largohet një orë e më parë nga ajo detyrë, ne i themi sot Prokurorisë, që nëse vërtetë kërkon të bëjë punën e të mbrojë qytetarët, të heqë dorë nga ndjekja e keqbërësve të vegjël, por të shkojë drejt e në zyrën e ministres së Bujqësisë.

Siguria ushqimore do të vendoset me 11 maj me votën e qytetarëve, por ndërkohë do të kërkojmë transparencë të plotë të këtyre ngjarjeve dhe vënien para drejtësisë të çdo qeveritari.

Partia Demokratike e konsideron sigurinë ushqimore si çështje të Sigurisë Kombëtare.

Partia Demokratike do të angazhojë specialistët më të mirë dhe gjithë burimet e duhura për ta garantuar produkin ushqimor, për fëmijët tanë, për prindërti tanë, përmes një platforme që parashikon përmbysje totale të gjendjes aktuale, që nga ndërhyrjet ligjore e deri tek ofrimi i standardeve europiane në analizimin dhe trajtimin e rasteve. PD do të rrisë kapacitetet në burime njerëzore dhe në infrastukrurë, për të bërë të mundur parandalimin e rasteve./ CNA