web counter
LEXO PA REKLAMA!

SHKARKO APP

App Store
Google Play

E fundit!

x

FRONËZIMI I FORTLUMTURISË SË TIJ, JOANIT/ Detaje nga ceremonia, transmetimi “live” në CNA TV

28 Mars 2025, 15:18, Aktualitet CNA
FRONËZIMI I FORTLUMTURISË SË TIJ, JOANIT/ Detaje nga ceremonia,
Kryepiskopi Joan

Të shtunën, në orën 11:00, në Katedralen "Ngjallja e Krishtit" do të zhvillohet ceremonia e Fronëzimit të Kryepiskopit të Shqipërisë, Fortlumturisë së Tij, Joanit.

Ceremonia do të transmetohet “live” në ekranin e CNA TV, ndërsa zhvillimet e fundit dhe reagimet do të mund t’i lexoni në CNA.al.

Patriarkë dhe klerikë nga e gjithë bota do të vijnë në Tiranë për këtë ngjarje të rëndësishme të Kishës Orthodhokse Autoqefale, besimtarëve, etj.

Ndërsa të dielën, më 30 mars, duke nisur nga ora 08:30, do të transmetojmë liturgjinë e parë Kryepriftërore të Kryepiskopit Joan, me pjesëmarrjen e gjithë Sinodit të Shenjtë. Shërbesat do të zhvillohen në Katedralen "Ngjallja e Krishtit".

Kujtojmë që më 16 mars, Fortlumturia e Tij, Joani, u zgjodh me votë unanime Kryepiskop i Tiranës, Durrësit dhe gjithë Shqipërisë, duke pasuar të ndjerin Kryepiskop Anastas. Kryepiskopi, Fortlumturia e tij Joani, pranoi detyrën dhe u zotua për mbrojtjen e interesave të kishës.

Kryepiskopi Joan është një nga figurat që ka kontribuar në ngritjen e Kishës Ortodokse.

I formuar në Amerikë, ai zgjodhi të kthehej në atdhe për të dhënë kontributin e tij me mbështetjen edhe të Kryepiskopit Anastas. Të dy së bashku vunë themele të rëndësishme dogmatike të rrugës së krishtërimit shqiptar që ka vlera të veçanta në historinë e Krishtërimit./ CNA





Lajmet e fundit nga