web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Kushtetuese shqyrton në Dhomë Këshillimi ligjin për SPAK-un dhe GJKKO-në

27 Mars 2025, 11:50, Aktualitet CNA

Gjykata Kushtetuese shqyrton në Dhomë Këshillimi ligjin për

Gjykata Kushtetuese po shqyrton sot që prej orës 10:00 në Dhomë Këshillimi ligjin për SPAK-un dhe GJKKO-në.

Në shqyrtim është kërkesa për interpretimin nëse është apo jo Kushtetues pika 5 e nenit 6 të ligjit që formon një të ashtuquajtur “Komision i Posaçëm i Verifikimit të Pasurisë dhe Figurës së Kandidatëve për t’u bërë anëtarë të SPAK-ut dhe GJKKO-së”.

Gjykata ka nisur këtë shqyrtim nisur nga skualifikimi nga gara për në GJKKO i gjyqtarit Gerd Hoxha.

Çështja është dërguar në Gjykatën Kushtetuese nga Gjykata Administrative e Shkallës së Parë, e cila ka pranuar kërkesën e gjyqtarit Gerd Hoxha, që ky nen të mbërrinte menjëherë në gjykatën më të lartë në vend. Gerd Hoxha, aktualisht nënkryetar i Gjykatës së Tiranës, kishte aplikuar në KLGJ për t’u ngritur në detyrë si gjyqtar i posaçëm, pasi kishte kaluar me sukses 2 shkallët e vetingut. Por kjo nuk i ka mjaftuar.

Një komision tjetër i posaçëm, i parashikuar nga ligji për funksionimin e GJKKO-së dhe SPAK-ut, e ka skualifikuar në garën për shkak se sipas tyre nuk plotësonte kriteret, që lidheshin me pasurinë dhe integritetin.

Komisioni përbëhet nga 2 prokurorë të SPAK-ut, një anëtar të GJKKO-së, një hetues financiar i SPAK-ut dhe një anëtar i BKH-së.

Si argument u përdor një takim i gjyqtarit Hoxha me kryetarin e Bashkisë së Tiranës, Erion Veliaj, më 20 qershor 2024./CNA

 

 





Lajmet e fundit nga