E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Dashuria e tij për Kishën, shembull”/ Kryepiskop Joani tregon njohjen me Fortlumturinë e Tij, Anastasin

26 Mars 2025, 20:27, Aktualitet CNA

“Dashuria e tij për Kishën, shembull”/ Kryepiskop Joani

Në intervistën e tij të parë, Kryepiskop Joani ka folur për njohjen dhe marrëdhënien e tij me Fortlumturinë e Tij, Anastasin. Ai ka rrëfyer se kontakti i parë më Kryepiskopin Anastas ka qenë në vitin 1992, kur njëri nga profesotët e tij, atë kohë Mitropolit e më vonë Kryepsikopi Dhimitër i tregoi rreth veprimtarisë së Fortlumturisë së Tij Anastasit në Greqi dhe si misionar në Afrikë.

“Dashuria e tij për Kishën, shembull”/ Kryepiskop Joani

Fortlumturia e Tij Joani shprehet se shembulli i Kryepiskopit të ndjerë Anastas ka qenë i rëndësishëm për të gjithë klerikët e Kishës Ortdokse, përfshirë dhe atë vetë. Kryepiskop Joani tregon se në periudhën kur ishte me studime nëpërmjet Mitropolitit Dhimitër është lidhur me Kryepsikopin Anastas dhe i ka thënë se pasi të mbaronte studimet do të kthehej në Shqipëri.

"Kontakti im i parë me Kryepeshkopin Anastas ishte në vitin 1992. Njëri nga profesorët e mi, Mitropoliti Dhimitër, më vonë Kryepeshkopi Dhimitër, meqenëse ishte një mik i ngushtë me Kryepeshkopin Anastas, qysh nga rinia e hershme, më tregoi rreth veprimtarisë së atij në Greqi dhe si misionar në Afrikë. Nëpërmjet tij u lidha me Kryepeshkopin, të cilit i thashë që kur të mbaroj studimet do të kthehem në Shqipëri. Ai u gëzua dhe më përgëzoi. Në atë kohë gjendja në Shqipëri ishte e vështirë, por unë mendova se në Amerikë një prift më shumë apo më pak do të ishte njësoj, ndërsa në Shqipëri ishte një nevojë e madhe për klerikë. Për më tepër ishte vendi im ku kam lindur dhe ku jam rritur dhe ndjeja një detyrim. Këto ishin arsyet përse u ktheva.

Mendoj se shembulli i tij ka qenë i rëndësishëm për të gjithë klerikët e kishës sonë, përfshirë edhe mua. Dashuria e tij për Kishën dhe për të gjithë njerëzit, urtësia dhe përkujdesja për grigjën që i kishte besuar Perëndia, durimi dhe vendosmëria për të realizuar objektivat që i kishte vënë vetes për rindërtimin nga gërmadhat të kishës sonë, ishin gjithmonë një shembull i gjallë, me shumë fuqi, për të frymëzuar të tjerët. U dorëzova nga ai si dhjak, prift dhe peshkop”, ka thënë Fortlumturia e Tij, Joani.

Kryepiskopi i Kishës Ortdokse Autoqefale, Joani është ndalur dhe te roli i rëndësishëm i Fortlumturisë së Tij, Janullatosit në ringritjen e Kishës Ortodokse Shqiptare.

Fortlumturia e tij Joani u shpreh se Kryepiskopi Anastas bëri hapa të rëndësishëm për të siguruar pavarësinë ekonomike të Kishës Ortodokse Shqiptare.

“Kryepeshkopi Anastas bëri disa hapa të rëndësishëm për të siguruar pavarësinë ekonomike të kishës ortodokse në Shqipëri. Me përpjekje të mëdha ndërtoi dy hidrocentrale, të cilët jo vetëm ndihmojnë Kishën, por edhe vendin, sepse janë një burim energjie të pastër. Ne do të përpiqemi, sipas mundësive tona, për të krijuar burime të reja financimi dhe për të ndërtuar një strategji afatgjatë. Gjithashtu, një pjesë e rëndësishme janë edhe donacionet e besimtarë, që vitet e fundit kanë filluar të rriten”, tha Kryepiskop Joani./ CNA