web counter
LEXO PA REKLAMA!

SHKARKO APP

App Store
Google Play

Mbyllja e “Zërit të Amerikës”/ Ilir Ikonomi tregon se çfarë ka ndodhur me rrjetin mediatik

25 Mars 2025, 13:12, Aktualitet CNA

Mbyllja e “Zërit të Amerikës”/ Ilir Ikonomi tregon

Ilir Ikonomi, gazetar dhe studiues, i cili prej vitesh ka punuar në "Zëri i Amerikës", ka folur për mbylljen e "VOA"-s, nga Korça, duke thënë se për të është diçka e trishtueshme, por kjo çështje i takon presidentit Trump.

"Kjo është diçka e trishtueshme për mua, por presidenti Trump ka agjendën e tij, është i zgjedhur, ka një mandat për të bërë ndryshime dhe reforma dhe ne ende nuk e dimë si do të përfundojë kjo çështje. Ai nuk e ka mbyllur 'Zërin e Amerikës' sepse ka një ligj të Kongresit, sepse kjo çështje duhet të kalojë aty, nëse ai kërkon ta mbyllë. Ai po përpiqet të bëjë reforma momentalisht në 'Zërin e Amerikës', për mua është diçka e trishtueshme. Kam qenë për një kohë të gjatë, për 3 dekada te 'Zëri i Amerikës', kam qenë spiker dhe njëkohësisht gazetar, kështu si ju, mbaja mikrofonat dhe tripodet për të bërë intervistat",-tha Ikonomi.

Ndër të tjera, Ikonomi tregon situatën në Shtetet e Bashkuara, ku po bëhen shkurtime në administratën amerikane për të ulur borxhin e jashtëm, që arrin në 36 trilionë dollarë.

Mbyllja e “Zërit të Amerikës”/ Ilir Ikonomi tregon

"Ai ka mandat nga zgjedhësit, ai është zgjedhur me 80 milionë vota dhe një president që ka një mandat të tillë ka të drejtë të bëjë, të realizojë mandatin e tij. Tani për tani, ata po bëjnë shkurtime në kuadrin e shkurtimeve të përgjithshme të administratës amerikane, për të ulur borxhin e jashtëm amerikan që është 36 trilionë dollarë. Sipas presidentit Trump, nuk ka rrugë tjetër, përveçse Amerika të bëjë shkurtime të tilla. Për mua personalisht nuk është diçka e mirë",-tha Ikonomi.

Mbyllja e “Zërit të Amerikës”/ Ilir Ikonomi tregon

Këtë deklaratë, Ilir Ikonomi e ka dhënë nga Universiteti i Korçës, pas promovimit të dy botimeve të tij studimore të dy veprave të Fan Nolit "Apostulli" dhe "Rebeli", të vlerësuara me çmimim e madh "Lumo Skëndo" nga Qendra Kombëtare e Librit dhe Leximit./CNA 





Lajmet e fundit nga