web counter
LEXO PA REKLAMA!

SHKARKO APP

App Store
Google Play

E fundit!

x

“Krenarë që mirëpritëm kreun e SPAK-ut”/ Dumani, takim me kryeprokurorin holandez

27 Mars 2025, 13:18, Aktualitet CNA

“Krenarë që mirëpritëm kreun e SPAK-ut”/ Dumani,

Kreu i SPAK-ut, Altin Dumani, është i pranishëm në një konferencë në Holandë ku marrin pjesë prokuroritë kryesore të Europës, Amerikës Latine dhe Afrikës Perëndimore.

Në një postim në rrjetet sociale, ambasada holandeze shkruan se Prokuroria e Holandës është krenare që ka mirëpritur Dumanin. Në postimin e bërë, thuhet se synimi i konferencës është koordinimi i përpjekjeve të përbashkëta në luftën kundër krimit të organizuar.

“Trafiku i organizuar i drogës dhe pastrimi i paligjshëm i parave nuk ndalen në kufij, dhe as qasja e Holandës për të luftuar këto çështje.

Nga data 25 deri më 28 mars, Holanda po pret një konferencë të rëndësishme ku marrin pjesë prokuroritë kryesore nga Europa, Amerika Latine dhe Afrika Perëndimore, së bashku me aktorë të tjerë. Aktiviteti u hap nga ministri i Sigurisë dhe Drejtësisë i Holandës, z. David van Weel.

Konferenca synon të forcojë dhe koordinojë përpjekjet tona të përbashkëta në luftën kundër krimit të organizuar serioz dhe të ndajë perspektivat e përbashkëta. Prokuroria holandeze është krenare që ka mirëpritur në këtë aktivitet të veçantë në emër të Shqipërisë, z. Altin Dumani, drejtues i Strukturës së Posaçme Kundër Korrupsionit dhe Krimit të Organizuar – SPAK”, shkruan ambasada./ CNA





Lajmet e fundit nga