web counter
LEXO PA REKLAMA!

SHKARKO APP

App Store
Google Play

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

24 Qershor 2026, 12:34, Aktualitet CNA

Kërkesa e protestuesve për kufizimin e mandatit të kryeministrit/

Kreu i PD-së, Sali Berisha, deklaroi se Partia Demokratike mbështet pa rezerva kërkesat e paraqitura nga Dritan Goxhaj, duke nisur me dorëheqjen e menjëhershme të kryeministrit Edi Rama.

Sipas Berishës, PD mbështet gjithashtu propozimin për kufizimin e mandatit të kryeministrit në dy mandate. Ai u shpreh se demokratët janë të gatshëm ta votojnë një masë të tillë në Parlament dhe të bëjnë thirrje që edhe qytetarët ta mbështesin atë.

Berisha akuzoi Ramën se nuk lejon rotacionin e pushtetit, duke theksuar se, sipas tij, këtë e dëshmojnë dokumente ndërkombëtare.

Kreu i opozitës argumentoi se tetë vite janë të mjaftueshme për zbatimin e një programi qeverisës, të paktën në pikat e tij më të rëndësishme dhe në masën 80-90 për qind.

Më tej, Berisha deklaroi se Rama qëndron në pushtet përmes asaj që ai e cilësoi si farsë elektorale, ndërsa shtoi se protestuesit synojnë t’i japin përgjigje kësaj situate përmes instrumenteve kushtetuese.

“Në kërkesat e paraqitura nga Goxhaj ripërsëritet dorëheqja e menjëhershme e Ramës, kërkesë që e mbështesim pa rezervë fuqishëm dhe kemi po atë thirrje. Shtohet kufizimi i mandatit të kryeministrit në dy mandate, PD është dakord, është e gatshme të votojë në parlament dhe t'u bëjë thirrje qytetarëve të votojnë për një masë të tillë. Rama nuk lejon rotacionin e pushtetit. Këtë nuk e themi ne, por dokumentet ndërkombëtare.

Nëse ti punon për një program 8 vite i ke të mjaftueshme jo për zbatimin 100% të tij, por për zbatimin e pikave më kryesore të tij dhe zbatimin e tij në masën 80 - 90%.

Çfarë qëndron në rastin e Ramës është se ai qëndron në pushtet me farsë elektorale. Protestuesit duan t’i japin përgjigje përmes Kushtetutës”, thekson Berisha./ CNA





Lajmet e fundit nga