web counter
LEXO PA REKLAMA!

SHKARKO APP

App Store
Google Play

“Më duhen 200 mijë…”/ Zbardhet dëshmia e Metës për aferën "CEZ-DIA"

24 Qershor 2026, 11:28, Aktualitet CNA

“Më duhen 200 mijë…”/ Zbardhet dëshmia e

Sot në GJKKO po zhvillohet seanca ndaj kreut të Partisë së Lirisë, Ilir Meta, dhe të pandehurve të tjerë.

Ndërkohë që seanca vijon është zbardhur dëshmia e tij. Meta pretendon se Dritan Prifti ka gënjyer.

“Do të bëj dy plotësime për 'CEZ-DIA'. Gënjeshtrat e Dritan Priftit janë mes nesh. Ky ka thënë që jam përfshirë unë te 'CEZ DIA'. Ka një e-mail që i ka dërguar Ervis Mataj më 16 prill. I ka shkruar avokatit që kjo puna e DIA-s është korruptive. Nuk përmendet as emri im, as emri i Berishës. Ky Dritan Prifti thotë që “nuk kam firmosur kurrë, mund ta kem takuar…”, ka deklaruar Meta.

Po ashtu ka përmendur dëshminë e ish-drejtuesit të CEZ, Josef Heisek.

“Në dëshminë e tij, z. Heisek në 2011 thotë: Nuk e njoh personin që më prezantoi 'CEZ-DIA'. Më pas, në 2014, kujton se ia prezantoi Qazim Tepshi. Ishin disa kompani, ka thënë ai, dhe ne morëm disa të dhëna për DIA-n. Ajo që na bindi ishte DIA amerikane”, ka thënë Meta.

Ndërkohë Meta ka hedhur poshtë pretendimet se është ai që ka dërguar mesazhin ku kërkon para.

“Më sill mua patronazhistin që e ka nisur. Është shumë e thjeshtë me teknologjinë që ka avancuar që të niset një mesazh i tillë. Unë isha në opozitë. Është e pamundur që unë të nisja një mesazh të tillë për diçka që do të ndodhte 14 muaj më pas”, është shprehur Meta./ CNA





Lajmet e fundit nga