web counter
LEXO PA REKLAMA!

SHKARKO APP

App Store
Google Play

Logopedja rrëfen rastin e dhimbshëm: Vajza 4-vjeçare dëgjoi për herë të parë pas implantit koklear

23 Qershor 2026, 17:40, Aktualitet CNA

Logopedja rrëfen rastin e dhimbshëm: Vajza 4-vjeçare

Logopedja Evis Gazheli ndau sot në episodin e podcastit ‘Ndryshe, por bashkë’ një rast të vështirë të një fëmijë që iu rikthye dëgjimi.

Siç tregoi Gazheli, bëhet fjalë për një rast të fillimviteve 2000, kur një vajze 4-vjeçare iu rikuperua shqisa e të dëgjuarit përmes implantit koklear.

Logopedja tha se programimi i këtij aparati të vendosur përmes operacionit bëri të mundur shërimin e një elementi shumë të rëndësishëm në përditshmëri, të të dëgjuarit të tingujve dhe zhurmave reale pas asnjë pengesë.

“Janë shumë raste, jo vetëm një. Në kaq vite përvojë, rastet janë të ndryshme. Nuk mund t’i ndaj se janë shumë, por do të veçoja. Në vitet 1999-2000 kam trajtuar një rast me implant koklear. Pas specializimit, mu referua një rast që ndoqa një fëmijë, një vajzë 4-vjeçare që nuk kishte dëgjuar kurrë. Kur audioprotezisti po i bënte programimin e aparatit pas operacionit, gëzimi i saj ishte i papërshkrueshëm. U kënaq me zhurmat. Ka qenë ndër rastet më të sukseshme dhe sot është mbi 25-vjeç dhe është nërë nënë. Sa më shpejt të bëhet, aq më mirë është. Sepse ndikon që fëmija të mësohet me zhurmat reale, të ambientit, tingujt e fjalët e ndryshme”,-tha Gazheli./CNA





Lajmet e fundit nga