web counter
LEXO PA REKLAMA!

SHKARKO APP

App Store
Google Play

E fundit!

x

Emërohet drejtori i Përgjithshëm i Gardës së Republikës

23 Qershor 2026, 12:01, Aktualitet CNA

Emërohet drejtori i Përgjithshëm i Gardës së

Simon Zereci është emëruar drejtor i Përgjithshëm i Gardës së Republikës. Zereci emërohet në këtë detyrë, pasi u komandua në krye të Gardës së Republikës, për shkak të largimit të Ermal Onuzit.

“Në zbatim të nenit 17 të ligjit 33/2021 “Për Gardën e Republikës së Shqipërisë”, të ndryshuar, Z. Simon Zereci është emëruar Drejtor i Përgjithshëm i Gardës së Republikës dhe mban gradën Drejtues Madhor.”, thuhet në njoftim.

Simon Zereci që prej vitit 2013 ka mbajtur funksionin e Komandantit të Njësisë Speciale në Gardën e Republikës. Ai ka shërbyer në disa pozicione drejtuese dhe operacionale në Gardë.

Zereci e ka nisur karrierën ushtarake në vitin 1986 në Ministrinë e Mbrojtjes dhe më pas iu bashkua Gardës së Republikës, ku ka kaluar nga detyra të nivelit bazë deri në poste të larta komanduese.

Gjatë karrierës së tij, Zereci ka mbajtur edhe gradën “Drejtues i Lartë” dhe është trajnuar në disa programe brenda dhe jashtë vendit, të fokusuara në sigurinë e personaliteteve dhe mbrojtjen e institucioneve shtetërore. /CNA





Lajmet e fundit nga