web counter
LEXO PA REKLAMA!

SHKARKO APP

App Store
Google Play

Terapia e dëgjimit te fëmijët/ Logopedja, për CNA: Loja përmes tingujve, praktikë e suksesshme

23 Qershor 2026, 17:35, Aktualitet CNA

Terapia e dëgjimit te fëmijët/ Logopedja, për CNA: Loja

Logopedja Evis Gazheli ishte e ftuara e episodit të sotëm të podcastit “Ndryshe, por bashkë”, që transmetohet çdo të martë në CNA TV.

Ndërsa iu referua punës me fëmijët që kanë humbur pjesërisht aftësitë dëgjimore, logopedja tha se  programi i të mësuarit të tingujve në mënyrë graduake është një praktikë që ka sukses.

Sipas Gazhelit, kjo metodë duhet të shërbejë edhe për prindërit, për të vijuar punën me fëmijët e tyre, ndërsa në epokën digitale kur jetojmë ofrohen një sërë materialesh mësimore me tinguj.

“Edhe vendosja e tingujve ka një rend. Fillohet nga p, a, o, t, e në vazhdim. Vijohet me rrokjet dhe më pas fjalët e para, njërrokëshe dhe dyrrokëshe, për të vijuar te fjalët frazë dhe më pas në fjali. Sintaksa e tyre është mjaft e dëmtuar. Me punën e logopedistëve çdo gjë ecën përpara. Edhe prindi duhet të kuptojë se mendon së këto ushtrime zhvillohen në formë loje dhe thotë se mos po bëhet lojë me fëmijët, por nëqoftëse nuk përdoret loja simbolike me fëmijët. Jetojmë në epokën digjitale dhe çdo gjë gjendet lehtë për të punuar me fëmijët. Edhe lojërat me librat që janë me tinguj ndihmojnë që fëmijët të dëgjojnë dhe të tregojnë me gisht”,-tha Gazheli./CNA





Lajmet e fundit nga