web counter
LEXO PA REKLAMA!

SHKARKO APP

App Store
Google Play

E fundit!

x

Podcasti "Ndryshe, por bashkë"/ Logopedja mesazh prindërve: Vonesa e dëgjimit ndikon në zhvillimin intelektual

23 Qershor 2026, 17:44, Aktualitet CNA

E ftuar në episodin e sotëm të podcastit “Ndryshe, por bashkë” në CNA TV, logopedja Evis Gazheli ka dhënë dhe një mesazh për prindërit, fëmijët e të cilëve hasen në problematika me dëgjimin.

Gazheli iu drejtua prindërve duke thënë se asnjëherë nuk është vonë dhe pas konsultimeve me një mjek duke nisur nga ai pediatër, fëmija do të gjejë zgjidhjen e duhur.

Çdo vonesë për konsultim me mjekun, u shpreh Gazheli, është në dëm të fëmijës. Logopedja tha se sa më vonë të zhvillohet procesi i vendosjes së aparatit të dëgjimit apo implantit koklear aq më i vonshëm do të jetë zhvillimi gjuhësor.

 

“Prindërve do t’u thoja nuk është asnjëherë vonë. Në rast se konsultoheni me një mjek, duke nisur nga mjeku pediatër dhe më vonë mjeku ORL, fëmija do të gjejë zgjidhjen e duhur. Vonesat janë në dëm të fëmijës  tuaj. Sa më vonë të zhvillohet procesi i vendosjes së protezës ose implantit aq më vonë do jetë dhe zhvillimi gjuhësor i fëmijës suaj. Vonesa e dëgjimit do të ndikojë dhe në zhvillimin intelektual të fëmijës suaj”, tha logopedja.





Lajmet e fundit nga