web counter
LEXO PA REKLAMA!

SHKARKO APP

App Store
Google Play

“Protesta për zonat e mbrojtura dhe trashëgiminë”/ Tare: Fatin e vendit nuk mund ta ketë në dorë vetëm një person

23 Qershor 2026, 21:44, Aktualitet CNA

“Protesta për zonat e mbrojtura dhe trashëgiminë”/

Studiuesi Auron Tare komentoi sot protestat 24-ditore qytetare kundër qeverisë.

I ftuar në emisionin “A Shoë”, Tare tha se thelbi i këtij organizimi është për të thënë se nuk është më e lejueshme apo e pranueshme që arkitekturën, peizazhin, trashëgiminë kulturore apo edhe fatin e vendit ta ketë vetëm një person në dorë.

Sipas Tares, ekzistojnë ligje specifike për zonat e mbrojtura dhe të tjera për trashëgiminë, që duhet të veprojnë në vend.

“Protestë për të thënë se nuk është më e lejueshme apo e pranueshme që arkitekturën, peizazhin, trashëgiminë kulturore apo edhe fatin e vendit ta ketë vetëm një person në dorë. Mendoj se ky është i gjithë thelbi i kësaj proteste të madhe në bulevard. Ka një ligj specifik vetëm për trashëgiminë, ndërsa për zonat e mbrojtura ka një ligj tjetër. E gjithë zona përballë Korfuzit është dhënë apo po planifikohet t’u jepet ndërtuesve të ndryshëm. Kanë filluar tashmë dy operacionet e mëdha; njëra është Pikëza e Vogël dhe tjetra është zona nga Ksamili deri në Kanalin e Vivarit”,-tha Tare./CNA





Lajmet e fundit nga