web counter
LEXO PA REKLAMA!

SHKARKO APP

App Store
Google Play

Vetëm tri ditë/ "IdentiTek" ul kohën e pajisjes me kartë ID për qytetarët

28 Mars 2025, 10:16, Aktualitet CNA

Vetëm tri ditë/ "IdentiTek" ul kohën e pajisjes me

Kompania shtetërore e prodhimit të dokumenteve biometrike, "IdentiTek" ka sjellë një shërbim të ri për qytetarët shqiptarë.

Përmes një pagese prej 3 mijë lekësh, çdo qytetar mund të pajiset me letërnjoftim elektronik brenda 3 ditësh.

Në vijim të angazhimit për inovacion dhe lehtësimin e aksesit në shërbime, "IdentiTek", në varësi të Ministrisë së Brendshme, synon të jetë sa më pranë qytetarëve, duke ofruar produkte e shërbime, të cilat përmirësojnë jetën e tyre.

Aplikimi kryhet në çdo zyrë "IdentiTek" në të gjithë Shqipërinë. Procedura është e thjeshtë:

• Blini kuponin (me procedurë të përshpejtuar);

• Merrni me vete dokumentin e vjetër ose vetëdeklarimin e humbjes/vjedhjes nga e-Albania;

• Bëni aplikimin në një nga zyrat e "IdentiTek";

• Tërhiqni kartën e re po aty ku keni bërë aplikimin.

Ky shërbim është i aksesueshëm për të gjithë qytetarët shqiptarë, duke përfshirë:

• Ata që pajisen për herë të parë me letërnjoftim elektronik;

• Ata që rinovojnë dokumentin e skaduar;

• Ata që kërkojnë zëvendësim për shkak të skadimit, dëmtimit apo humbjes./ CNA





Lajmet e fundit nga