web counter
LEXO PA REKLAMA!

SHKARKO APP

App Store
Google Play

E fundit!

x

Skandali i mishit me salmonelë/ Jorgaqi: Sasia është shpërndarë në 10 qarqe të vendit

28 Mars 2025, 19:08, Aktualitet CNA

Skandali i mishit me salmonelë/ Jorgaqi: Sasia është

Drejtori i Menaxhimit të Rriskut në AKU, Martin Jorgaqi ka ndarë pasditen e kësaj të premteje disa nga detajet e procesit të kontrolleve të kryera në vend, pas publikimit të skandalit të hedhjes në treg të mishit të pulës me përmbajtje salmonele.

Përfaqësuesi i AKU-së, në një dalje televizive, ka deklaruar se sasia e këtij mishi është shpërndarë në 10 qarqe të vendit.

Sipas Jorgaqit, deri më tani janë telefonuar të gjithë operatorët e bizneseve, me qëllim kthimin mbrapsh të këtij produkti të dëmshëm për konsumatorët.

Jorgaqi tha se kjo është dita e tretë e kontrollit në terren, që sipas tij po kryhet deri në qarqet më skajore të Shqipërisë.

“Janë telefonuar një për një operatorët e bizneseve të kthejnë mbrapsh produktin dhe konsumatorët. Sot është dita e tretë që jemi në terren dhe jemi deri në qarqet më skajore, Sipas informacionit është shpërndarë në 10 qarqe të vendit, sasinë më të madhe e ka Tirana sepse numri i operatorëve të biznesit është 10-fish”,-tha Jorgaqi.

Ndër të tjera, Jorgaqi u justifikua duke thënë se nuk është cedim i strukturave të AKU-së, por një nga bakteret kontaminuese të mishit.

“Nuk është cedim i strukturave tona, salmonela është ndotësi nr.2 produkteve të kontaminuara”,-tha Jorgaqi./CNA





Lajmet e fundit nga