web counter
LEXO PA REKLAMA!

SHKARKO APP

App Store
Google Play

E fundit!

x

“7.9 ton mish me salmonelë"/ Zyrtari i AKU-së: U importua nga Brazili

28 Mars 2025, 20:56, Aktualitet CNA

“7.9 ton mish me salmonelë"/ Zyrtari i AKU-së: U importua

Drejtori i Menaxhimit të Riskut i Autoritetit Kombëtar të Ushqimit, Martin Jorgaqi, ka ndarë të dhëna të tjera, sa i përket skandalit me mishin e pulës me salmonelë.

Në një dalje televizive, Jorgaqi dha një informacion më specifik në lidhje me sasinë, vendin nga është importuar, që është Brazili.

I pyetur se sa është sasia e mishit me salmonelë, Jorgaqi tha se bëhet fjalë për 7.9 ton dhe se ka ardhur nga importi.

Jorgaqi tha se po kryhen edhe kontrolle për sasi të tjera produkti.I pyetur se pse nuk u njoftua publiku që më  21 mars, Jorgaqi tha se AKU u hodh në veprim vetëm në momentin kur mori raport-analizën me rezultatet.

I pyetur nëse kanë faturat se kujt i ka shkuar ky produkt, Jorgaqi tha se edhe pse është detyrim ligjor, biznesi i parregullt nuk i kishte përditësuar të dhënat dhe listat.

“Sasia e mishit të kontaminuar me salmonelë ka ardhur nga importi, nga Brazili, dhe autoriteti kombëtar i ushqimit në bazë të planeve të monitorimit dhe marrjes së mostrave në pikat e inspektuimit kufitar, ka kryer procedurë të tillë dhe rezultoi se produkti ishte kontaminuar me salmonelë. Sasia për të cilën bëhet fjalë është 7.9 ton.Ngarkesa prej 7.9 ton e cila ka rezultuar, në plan të marrjes së mostrës me ngarkesë të salmonelës mbi normat e lejuara. Gjithashtu në kontrollin që ne po bëjmë në subjektin importues ne kemi arritur të bllokojmë edhe sasi të tjera produkti, që ky operator ka në magazinën e vet”,-tha Jorqaqi./CNA 

 

 





Lajmet e fundit nga