web counter
LEXO PA REKLAMA!

SHKARKO APP

App Store
Google Play

E fundit!

x

Fronëzimi i Fortlumturisë së Tij, Joanit/ Ceremonia, "live" në CNA TV

29 Mars 2025, 08:20, Aktualitet CNA

Fronëzimi i Fortlumturisë së Tij, Joanit/ Ceremonia,

Sot, në orën 11:00, në Katedralen "Ngjallja e Krishtit" do të zhvillohet ceremonia e Fronëzimit të Kryepiskopit të Shqipërisë, Fortlumturisë së Tij, Joanit.

Ceremonia do të transmetohet “live” në ekranin e CNA TV, ndërsa zhvillimet e fundit dhe reagimet do të mund t’i lexoni në CNA.al.

Patriarkë dhe klerikë nga e gjithë bota do të vijnë në Tiranë për këtë ngjarje të rëndësishme të Kishës Orthodhokse Autoqefale, besimtarëve, etj.

Të dielën, më 30 mars, duke nisur nga ora 08:30, do të transmetohet liturgjia e parë Kryepriftërore e Kryepiskopit Joan, me pjesëmarrjen e gjithë Sinodit të Shenjtë. Shërbesat do të zhvillohen në Katedralen "Ngjallja e Krishtit".

Më 16 mars, Fortlumturia e Tij, Joani, u zgjodh me votë unanime Kryepiskop i Tiranës, Durrësit dhe gjithë Shqipërisë, duke pasuar të ndjerin Kryepiskop Anastas.

Kryepiskopi, Fortlumturia e tij Joani, pranoi detyrën dhe u zotua për mbrojtjen e interesave të kishës.

Kryepiskopi Joan është një nga figurat që ka kontribuar në ngritjen e Kishës Ortodokse.

I formuar në Amerikë, ai zgjodhi të kthehej në atdhe për të dhënë kontributin e tij me mbështetjen edhe të Kryepiskopit Anastas. Të dy së bashku vunë themele të rëndësishme dogmatike të rrugës së krishtërimit shqiptar që ka vlera të veçanta në historinë e Krishtërimit./ CNA





Lajmet e fundit nga