web counter
LEXO PA REKLAMA!

SHKARKO APP

App Store
Google Play

E fundit!

x

Fitër Bajrami/ Berisha uron nga KMSH: Një ditë nderimi për ata që sakrifikuan

30 Mars 2025, 12:01, Aktualitet CNA

Fitër Bajrami/ Berisha uron nga KMSH: Një ditë nderimi për

Kryetari i Partisë Demokratike, Sali Berisha ka vizituar ditën e sotme Komitetin Mysliman Shqiptar.

Në fjalën e tij pas daljes nga KMSH, Berisha tha se pas 11 majit, falja e ditës së premte do të përcaktohet në ligj dhe orar.

Kreu i PD uroi festën e Fitër Bajramit, të cilën e quajti një ditë nderimi për të gjithë ata që agjeruan. Berisha tha se pas 11 majit fondi për komunitetet fetare do të dyfishohet.

“Erdha për të uruar Fiter Bajramin, kryetarit të Komunitetit Mysliman, hirësisë së tij Bujar Spahiu, bashkëpunëtorëve të tij dhe me këtë rast të gjithë besimtarëve që kanë agjëruar dhe gjithë besimtarëve të Zotit, këtë ditë të nderimit të përkushtimi, sakrificës së njeriut ndaj të madhit Zot, vlerave hyjnore më të mira.

E shfrytëzova rastin për të zotuar para kryetarit të Komunitetit Mysliman dhe të gjithë shqiptarëve se, pas 11 majit nga vendimet e para do të jetë dyfishimi i fondit për komunitete fetare, fond i cili është i domosdoshëm dhe u takon plotësisht. Sikundër një përpjekje madhore do të bëhet për rikthimin e pronave të tyre, ose kompensimin, pasi pronat e komuniteteve fetare, janë pronat më të plaçkitura në Shqipëri. Së treti unë garantoj, dhe e garantova dhe kryetarin e Komunitetit Mysliman dhe garantoj besimtarët myslimanë se, falja ditën e premte do të përcaktohet në ligj dhe në orar.

Dhe çdo besimtar mysliman që dëshiron të kryejë detyrën e tij me faljen në xhami do të ketë kohën e dhënë për këtë destinacion. Pra nuk do mund të bëhet më orari zyrtar pengesë që njerëzit të falin të Premten, që për myslimanët është dita e faljes. Kjo nuk është lehtësi, por detyrim dhe do të vendoset menjëherë pas 11 majit. Nuk mund të mos theksoj se, trashëgimia jonë më e shkëlqyer është toleranca fetare dhe unë shpreh admirimin tim më të thellë për udhëheqësit e Komunitetit Mysliman dhe udhëheqësit në tërësi të komuniteteve fetare dhe të gjithë klerikët shqiptarë për punën e tyre, urtësinë dhe mençurinë e tyre në konsolidimin, zhvillimin më tej të kësaj trashëgimie të shkëlqyer. Edhe njëherë, është një ditë nderimi për ata që sakrifikuan, që agjëruan, por edhe për të gjithë klerikët, hoxhallarët, priftërinjtë dhe për të gjithë ata që sakrifikojnë çdo ditë në shërbim të Zotit dhe vlerave hyjnore. Gëzuar”, tha Berisha./ CNA





Lajmet e fundit nga