web counter
LEXO PA REKLAMA!

SHKARKO APP

App Store
Google Play

Dëborë në muajin prill/ Meteorologia zbulon parashikimin e motit për ditët në vazhdim

31 Mars 2025, 11:07, Aktualitet CNA

Dëborë në muajin prill/ Meteorologia zbulon parashikimin e motit

Meteorologia Tanja Porja ka zbuluar surprizat e motit për ditët në vijim.

Ajo është shprehur se java e parë e muajit prill do të jetë me reshje shiu të cilat sipas saj nuk do të jenë me intensitet maksimal, por do të kenë shtrirje thuajse në të gjithë vendin.

Meteorologia tha se gjatë këtij muaji nuk do të mungojnë as reshjet e dëborës në zonat malore.

“E gjithë java do të jetë me shi. Marsi u përmbyll ashtu siç ne e kishim parashikuar, me kapërcime të temperaturave nga mjaft të ulëta në ato të larta që arritën deri në 27 gradë Celsius maksimumi, ndërkohë që kemi pasur edhe vlera negative dhe disa episode me reshje dëbore.

E kishim thënë edhe më herët se dëbora do të shfaqej edhe në prill dhe në fakt këtë dua të them. Të paktën 2 episode me reshje dëbore do t'i kemi edhe në prill. Sidomos në zonat malore. Shanset që të ketë dëborë në Tiranë në muajin prill janë shumë afër zeros.

Muaji mars dhe prill janë muaj mjaft të pasur me reshje, në kushte klimatike normale. Ne kemi edhe një sinjal që muaji maj do të jetë mjaft i lagësht, do të ketë reshje edhe këtë muaj. Këtë mars dhe prill, ndryshe nga zakonisht, ka pasur dhe do ketë reshje të pakta shiu. Java e parë ka reshje të pakta”, tha Porja./ CNA





Lajmet e fundit nga