web counter
LEXO PA REKLAMA!

SHKARKO APP

App Store
Google Play

Abuzimi me fondet e SASPAC/ SPAK dërgon për gjykim Ilir Beqajn për 6 vepra penale

2 Prill 2025, 16:40, Aktualitet CNA

Abuzimi me fondet e SASPAC/ SPAK dërgon për gjykim Ilir Beqajn

Prokuroria e Posaçme ka mbyllur sot hetimet për dosjen “SASPAC” për ish-ministrin Ilir Beqaj dhe 10 persona të tjerë, të akuzuar për 6 vepra penale.

Në njoftimin e SPAK, thuhet se Prokuroria e Posaçme ka paraqitur kërkesën për gjykim nga GJKKO të 11 të pandehurve për fondet e SASPAC.

“Në përfundim të hetimeve për procedimin penal nr.190, viti 2023, Prokuroria e Posaçme kundër Korrupsionit dhe Krimit të Organizuar paraqiti kërkesën për gjykim ndaj një 11 të pandehurve në Gjykatën e Posaçme të Shkallës së Parë”,-thuhet në njoftim.

Sipas njoftimit të SPAK për të pandehurit, theksohen veprat penale ndaj ish-ministrit Beqaj, një prej tyre e kryer në bashkëpunim dhe 5 vepra të tjera te parashikuara nga Kodi Penal.

Njoftimi i SPAK:

“Ilir Beqaj – I akuzuar për kryerjen e veprave penale; “Korrupsion pasiv i funksionarëve të lartë shtetërore” kryer në bashkëpunim (2 herë) parashikuar nga neni 260 dhe 25 i Kodit Penal; “Shkelja e barazisë së pjesëmarrësve në tendera apo ankande publike”, kryer në bashkëpunim parashikuar nga neni 258/2 dhe 25 i Kodit Penal kryer 8 herë; “Falsifikim i dokumentave”, nga personi që ka për detyrë kryer në bashkëpunim parashikuar nga neni 186/3 e 25 i Kodit Penal, e kryer 9 herë; “Mashtrim” kryer në bashkëpunim me pasoja të rënda, parashikuar nga nenet 143/3 e 25 i Kodit Penal, kryer 2 herë; “Mashtrim” kryer në bashkëpunim”, e kryer 3 herë, parashikuar nga nenet 143/2 të Kodit Penal; “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, parashikuar nga neni  257/a/2 i Kodit Penal e kryer 3 herë”./CNA

 

 

 

 

 





Lajmet e fundit nga