web counter
LEXO PA REKLAMA!

SHKARKO APP

Dita Botërore e Ndërgjegjësimit të Autizmit/ Apeli i Ermal Dredhës

2 Prill 2025, 14:03, Aktualitet CNA

Dita Botërore e Ndërgjegjësimit të Autizmit/ Apeli i Ermal

Në kuadër të Ditës Botërore të Autizmit, që synon të rrisë ndërgjegjësimin lidhur me çrregullimet e spektrit të autizmit, Qendra Komunitare për fëmijët me aftësi të kufizuara, në bashkëpunim me Qendrën për Hapje dhe Dialog (COD), organizuan aktivitetin "Gjithëpërfshirja".

I pranishëm në aktivitet, kryetari i Bashkisë së Vlorës, Ermal Dredha, theksoi rëndësinë e mbështetjes dhe solidarizimit të shoqërisë ndaj personave me autizëm dhe familjeve të tyre.

Gjatë fjalës së tij, Dredha nënvizoi gjithahtu angazhimin e pandërprerë të Bashkisë së Vlorës për të siguruar kushte sa më të mira dhe mbështetje të gjithanshme për fëmijët me nevoja të veçanta.

“Do të jemi gjithmonë një mbështetje e fortë për fëmijët dhe familjet e tyre. Solidariteti dhe ndërgjegjësimi i shoqërisë janë thelbësore për të krijuar një mjedis gjithëpërfshirës dhe të ndjeshëm ndaj sfidave me të cilat përballen këta fëmijë”

Dredha apeloi për më shumë ndërgjegjësim dhe përfshirje nga ana e qytetarëve dhe institucioneve, duke theksuar se vetëm përmes solidaritetit dhe bashkëpunimit mund të krijohen mundësi reale për zhvillim dhe integrim social.

Në përfundim, Dredha falënderoi stafin e Qendrës Komunitare për përkushtimin dhe punën e palodhur që bëjnë çdo ditë për mirëqenien dhe zhvillimin e fëmijëve me aftësi të kufizuara./ CNA





Lajmet e fundit nga