web counter
LEXO PA REKLAMA!

SHKARKO APP

App Store
Google Play

E fundit!

x

CNA paralajmëron/ Nesër të tjera bomba nga përgjimet e Erion Veliajt

3 Prill 2025, 21:48, Aktualitet CNA

Sot CNA ka sjellë një pjesë të vogël të përgjimeve, që i janë bërë kryetarit të Bashkisë së Tiranës, i cili ndodhet për tre akuza të rënda në burg në Durrës. CNA do të vazhdojë nesër të publikojë pjesë të dosjes, ato që për redaktorët tanë konsiderohen më të rëndësishmet dhe më pas dosja do të publikohet dhe e plotë.

Së pari, për të gjithë gjakprishurit dhe të mërziturit, që iu përmendet emri në dosje, duhet ta dinë se dosja nuk është një sekret hetimor dhe për ata që vazhdojnë akoma me alibitë se materialet dalin nga SPAK, jemi të gatshëm t’i sfidojmë edhe duke dorëzuar telefonat, por dhe duke iu thënë një fjali tjetër: Mirë është të shikojnë në oborrin e tyre, mos ta hedhin shikimin shumë larg, sepse sa më shumë e lodhin veten aq më shumë gabojnë, pasi e kanë më thjesht dhe më afër të vërtetën. Jemi gati t’ia tregojmë Meros burimin. Kemi vetëm një kusht, mos t’ia thotë Veliajt dhe të kërkojë ndjesë publike. Po ai si ushtar i Saliut dikur nuk na zhgënjen kurrë. Do ngelet një vemje e pështirë e keqpërdorur nga Zdromsi.

CNA nesër do të publikojë materiale në lidhje me faktin pse Ajola Xoxa nuk shkoi në takim në konsullatën amerikane dhe këshillat e Erion Veliajt. Gazetarë të tjerë që përmenden në përgjime. Si kërkon Erion Veliaj që të flitet me Grida Dumën, Top Channelin, Visin dhe Lorin apo deri te personat që kërkon takim. Të preferuarit që të shkojnë ta takojnë në burg, nga Mero te Y. Manjani, Mondi, T.Gogu, Admiri e të tjerë.

Gjithashtu Sara, që me shumë gjasa i bie të jetë Sara Goxhaj. CNA do të vazhdojë gjatë gjithë ditës së nesërme të publikojë dokumente ekskluzive që tregojnë se si ka funksionuar media dhe ky është skandali më i madh.

Gjatë kohës që Erion Veliaj ishte në burg dhe dirigjonte parimorët e gjoja shtypit të lirë në Shqipëri, të cilët kanë ngritur gënjeshtra, kanë ngritur alibi, shpifje dhe fyerje, thjesht dhe vetëm për të shpëtuar sponsorin e tyre, Erion Veliaj apo vëllanë e Erion Veliajt, që i paguan me dhjetëra apo qindra miliona lekë.

Të dhënat flasin qartë, se si një grup gazetarësh, nuk janë as më pak e as më shumë se sa mercenarë, që dirigjohen nga burgu dhe kryesori mbi ta është Mero. Më pas përmendet shpesh Carlo Bollino, përmendet Filipi e deri te emra surprizë, të cilët CNA po i zbardh dhe nesër do t’ia japë publikut t’i lexojë.

Gjithashtu, siç e theksuam dhe më lart, në fund do ta publikojmë dosjen të plotë që të lexojnë të gjithë shqiptarët se kush është fytyra e vërtetë e Erion Veliajt pas prangave dhe mercenarët e tij mediatikë, që paguhen nga paratë e kompanive që përdor vëllai i Veliajt, kompani të rëndësishme private, të cilat kanë fituar dhe fonde publike gjithashtu./ CNA





Lajmet e fundit nga