web counter
LEXO PA REKLAMA!

SHKARKO APP

App Store
Google Play

E fundit!

x

Mishi i pulës me salmonelë/ AKU kryen inspektime në bizneset e Vlorës

3 Prill 2025, 12:40, Aktualitet CNA

Autoriteti Kombëtar i Ushqimit në Vlorë ka nisur prej disa ditësh një aksion të befasishëm në dhjetëra biznese në Vlorë. Aksioni është përqendruar në subjektet private të evidentuara me risk, ku mund të ketë tregtim të produktit të mishit të pulës me salmonelë.

Inspektorët e sigurisë ushqimore këto kontrolle blic po i vazhdojnë edhe këtë të enjte. Kontrollet sipas informacioneve janë shtrirë edhe në subjektet private në fshatra dhe në brendësi të lagjeve për shkak të rrezikut të shpërndarjes së këtij produkti.

Pjesë e kontrolleve, sipas informacioneve, do të jenë edhe restorantet edhe "fastfood"-et të cilat janë në qytet. Edhe këto subjekte janë kontrolluar, disa prej tyre më parë dhe tashmë po kontrollohen të tjera. Në derën hyrëse të subjekteve private janë vendosur disa tabela informuese për klientët të cilat evidentojnë produktin që ka përmbajtje salmonele.

Njëkohësisht nëpërmjetë tabelave u bëhen thirrje qytetarëve që nëse e kanë këtë produkt të mos e konsumojnë dhe ta kthejnë në subjektin që e kanë blerë, ose edhe nëse e kanë blerë dhe konsumuar, të raportojnë rastin. Në shërbim të tyre janë vendosur edhe numra në dispozicion nga AKU rajoni Vlorë./CNA





Lajmet e fundit nga