web counter
LEXO PA REKLAMA!

SHKARKO APP

App Store
Google Play

Pse Carlo dhe Mero "kërcejnë" nga belaja?

4 Prill 2025, 18:55, Aktualitet CNA

CNA prej ditës së djeshme ka nisur të publikojë pjesë nga dosja e përgjimeve të Erion Veliajt në qelinë e paraburgimit në Durrës. Në këto përgjime të bisedave që Veliaj bën me bashkëshorten Ajola Xoxa dhe vëllanë e tij, Arbër Veliaj zbulohen një sërë skandalesh, nga kërcënimet për prokurorët, gjyqtarët dhe ministrin Manja deri te porositja e lajmeve në portalet e mediat e paguara nga Arbër Veliaj.

Kryebashkiaku shfaqet me një gjuhë të çartur, aspak të përshtatshme për një zyrtar, që pretendon se është zgjedhur me votë 3 herë nga qytetarët e Tiranës, ku fyen, diskriminon, kërcënon ministrin e Drejtësisë, Ulsi Manja duke e quajtur “qelbësirë”, “katundar i ndyrë” dhe thotë se “do ta mbysë me thonj”.

Gjithashtu në përgjime dalin dhe personazhe publikë që i japin informacione kryebashkiakut të arrestuar për korrupsion dhe pastrim parash, përmendim këtu Arditin, që mendohet të jetë Ardit Gjebrea.

Ndërkohë që kanë dalë përgjimet, shumë nga mediat e paguara nga Veliaj, të përmendura në përgjimet nga qelia të kryebashkiakut, nuk kanë publikuar asnjë material. Të vetmit që u prononcuan ishin botuesit Carlo Bollino dhe Mero Baze, të cilët kanë reaguar ashpër pasi kanë parë përgjimet dhe e kanë kuptuar ku janë futur. Reagime aspak profesionale, ku tentuan që të justifikonin intervistat dhe lajmet e publikuara në mediat e tyre, me porosi të Veliajt.

Mero dhe Bolino u shprehën se duke mbështetur Veliajn kishin bërë detyrën dhe janë vetëquajtur “të ndershëm”. Baze shkoi më tej me akzua ndaj prokurorëve të SPAK, duke hedhur baltë mbi publikimet e CNA, ku u shpreh se disa prokurorë kanë gazetarë të preferuar.

Dy botuesit, që njihen për qëndrimet e tyre pro Veliajt, me sa duket vazhdojnë të marrin urdhëra nga burgu i Durrësit duke mos i publikuar sërish përgjimet, që prej dy ditësh kanë dominuar studiot televizive. Ata u përpoqën të justifikonin “avokatinë” e tyre ndaj një zyrtari të korruptuar, që i ka shkaktuar vendit dëme të mëdha financiare të vërtetuara me fakte dhe prova në dosjet voluminoze të zbardhura dhe më herët nga CNA.

Megjithatë ky reagim më shumë se sa i ndihmoi të justifikoheshin, i implikoi ata më shumë dhe tani SPAK ka dhe një indicie më shumë për t’i hetuar sepse nuk e mohuan që mbështesin Veliajn dhe se gjithçka ishte me porosi. Tashmë shqiptarët i dinë mirë disa fakte. Bolino dhe Baze urdhërohen me dhjetra herë nga burgu i Durrësit dhe lidhja është Arbër Veliaj. Për këto do sjellim të tjera përgjime./ CNA

 





Lajmet e fundit nga