web counter
LEXO PA REKLAMA!

SHKARKO APP

App Store
Google Play

E fundit!

x

Rrëfimi i Kryepiskopit Joan/ Puna e tij në spitalin psikiatrik, ja çfarë tregon Fortlumturia e Tij

5 Prill 2025, 09:01, Aktualitet CNA

Rrëfimi i Kryepiskopit Joan/ Puna e tij në spitalin psikiatrik, ja

Kryepiskopi Joan ka ndarë detaje nga shërbesa e tij në spitalin psikiatrik të Tiranës.

I ftuar në podkastin e kryeministrit Edi Rama, Kryepiskopi Joan tregoi se ajo që ndjeu kur u përball herën e parë me njerëzit e shtruar në atë spital ishte dhembshuria.

Kryepiskopi Joan theksoi se njerëzit që punojnë në këtë sektor duhet të jenë të trajnuar mirë, pasi ata njerëz kanë nevojë për kujdes dhe jo të braktisen.

Fortlumturia e Tij Joani u shpreh se të punuarit me njerëzit që kanë probleme të shëndetit mendor duhet shumë kujdes dhe të trajtohen me dhembshuri dhe durim ashtu si Zoti tregohet i durueshëm me ne.

Kryepiskopi Joan e konsideron punën e tij në spitalin psikiatrik si eksperiencën më të vështirë dhe të dhimbshme.

“Edhe sot ata njerëz duan kujdes, nuk mund të brakstisen. Familjen njerëzore ta mbash kërkon solidaritet”, u shpreh Kryepiskopi Joan.

“Ajo që ndjeva herën e parë ishte dhembshuria për këta njerëz. Sidomos që aty kisha dikë që ishim rritur bashkë. Kjo më shtyu akoma më shumë për të qëndruar. Mendova që... jo se unë do t'i shëroj, por do të mundohesha t’i lehtësoja sadopak.

Mendja është gjëja më e rëndësishme. Prandaj thonë zot na ruaj mendtë.

Këta njerëz duhet të ndihmohen. Njerëzit që punojnë aty mirë është të trajnohen pasi ndodh që ndonjëherë të të kthehen.  

Do një trajnim të vazhdueshëm tek ata njerëz, jo të gjithë e përballojnë atë shërbimin aty.

Kur isha atje vetë, isha kundër trajtimeve të egra. U thoja mjekëve mund të qetësohet edhe pa këtë. Aty kanë nevojë për dhembshuri, t’i duash.

Ata e mbajnë mend shpeshherë dhe atë mënyrën se si janë sjellë, shpirti dhe mendja e tyre janë të tronditura. Duhet t’i duash. Kërkon durim shumë të madh ashtu siç Zoti është me ne.

Ishte një eksperiencë e dhimbshme për mua. Edhe sot ata njerëz duan kujdes, nuk mund të brakstisen. Familjen njerëzore ta mbash kërkon solidaritet”, tha Kryepiskopi Joan./ CNA 





Lajmet e fundit nga