web counter
LEXO PA REKLAMA!

SHKARKO APP

App Store
Google Play

CNA, letër publike avokatëve të Erion Veliajt

4 Prill 2025, 20:56, Aktualitet CNA

CNA, letër publike avokatëve të Erion Veliajt

Të nderuar avokatë të zotit Veliaj, z.Ermir Beta, z.Artur Selmani, të nderuara studio ligjore përfaqësuese, miq dhe bashkëpunëtorë të kryebashkiakut të Tiranës, njerëz të Fatmir Xhafajt apo Arben Rakipit, ju që bëni konsulencën ligjore të kryebashkiakut të Tiranës, i cili ndodhet pas hekurave, në burgun e Durrësit.

Sor për të disatën herë, gazetari Mero Baze ka vazhduar punën e tij pas porosive të marra nga Erion Veliaj që të sulmojë prokurorët e SPAK-ut që të krijohet ideja se janë ata të cilët i kanë publikuar materialet dhe ju kanë përdorur juve disa herë.

Është shkrimi i dytë, i tretë apo i dhketë ku Mero thotë se avokatët nuk i kanë marrë përgjimet, avokatët e Veliajt nuk kanë pasur interes t’i nxjerrin përgjimet.

Ju lutemi mund t’i thoni publikisht Mero Bazes dhe Carlo Bollinos që ju i keni marrë përgjimet dhe përgjimet në seancë ju janë dhënë juve dhe Erion Veliajt.

Mund t’i shpjegoni se materialet e para që janë publikuar janë të gjitha vendime gjykate, pavarësisht se edhe ju si avokatë jeni përfshirë në ato zullumet e kryebashkiakut, se Maks Haxhia vuri në lëvizje Dhomën e Avokatisë dhe gjithë shtetin kundër ILD-së.

Por le të rrimë te dokumentet.

A ka një vendim të gjykatës, të Erjon Banit që është bërë publik, mbi të cilin ne kemi publikuar materialet?

Jepjani ju lutem Mero Bazes se tha do t’i publikoj. Të mos ngelet tek injoranca e brekëve që urdhëron Erioni nga burgu.

E dyta, që kemi kërkesë, a mund t’ia jepni dhe këto përgjimet që kemi marrë se ju i keni me gjithë fashikuj, ne i kemi vetëm me vendim, me zbardhje?

Jepjani t’i lexojë dhe fashikujt se ndoshta nuk mban mend çfarë urdhrash i kanë ardhur. Ndoshta tani do t’i ndryshojë komanda, regjia.

Aman, ndriçojeni Meron, jepjani përgjimet se premtoi se do t’i publikojë.

Ne i premtojmë Mero Bazes që mund t’ia japim përgjimet në momentin që i do.

Mjafton të na thotë se i dua përgjimet dhe ne kopjen tonë do t’ia vëmë në dispozicion Meros siç e kemi të plotë, pa logo, që ta botojë.

Por është më e rëndësishme që t’ia jepni ju. Dikush që e lexon këtë shkrim, Ermir Beta apo jo, apo Ben Rakipi, REDAKTORI, Fatmir Xhafaj apo ndonjë tjetër, e dinë mirë se ku e kemi fjalën dhe çfarë duam të themi.

Ndaj merrini ato letra jepjani Meros t’i publikojë. Mos ia tregoni vetëm ndonjë Carlo-je që t’i lexojë.

Megjithëse ju na keni thënë që atyre ua kemi dhënë dhe i kanë lexuar, e dinë se për çfarë bëhet fjalë, por mos i jepni vetëm zbardhjet, mos jepni vetëm esencën, tregojini dhe fashikujt e tjerë dhe boll çuat letra në gjykatë për t’i shkatërruar ato përgjime se siç i keni ju i kemi edhe ne.

Faleminderit! Ju lutem ndihmoni Meron. Edhe Carlo-n po të ketë nevojë se gjynah dhe ai!/ CNA

 





Lajmet e fundit nga