web counter
LEXO PA REKLAMA!

SHKARKO APP

App Store
Google Play

Përgjimet/ Erion Veliaj shpik dëshmitarë të rremë

5 Prill 2025, 13:54, Denoncim CNA


Një tjetër inskenim nga qelia e burgut të Durrësit ku qëndron i burgosur kryebashkiaku Erion Veliaj ka dalë nga përgjimet e bëra nga SPAK-u.

CNA ka publikuar pak më parë se si Erion Veliaj kërkon të ngrejë një tymnajë mediatike se janë kërkuar 2 milionë euro për kokën e tij dhe kërkon këshilla nga Mero Baze, i përdorur nga kryebashkiaku për skenarë me gënjeshtra.

Po sjellim një tjetër gënjeshtër të fabrikuar në burgun e Durrësit nga qelia e kryebashkiakut, i cili shprehet se ka dëshmitarë se janë kërkuar 2 milionë euro për burgosjen e tij.

Në fakt, të tre dëshmitarët janë thirrur dhe janë pyetur në SPAK dhe kanë mohuar të kenë dijeni, një prej tyre tashmë kandidat për deputet i PD-së dhe dy të tjerët biznesmenë, ndoshta njëri më pak i pasur se Mero Baze që tashmë është kthyer në Koço Kokëdhimën e dytë në jugun e Shqipërisë.

Tre dëshmitarët e përmendur nga i ndaluari Erion Veliaj me tri akuza të rënda penale si korrupsioni, pastrimi i produkteve të veprës penale dhe futja e përdorimi i sendeve të ndaluara në burg, në mënyrë të fortë kanë mohuar të kishin dijeni për miliona euro apo për çfarë kishte folur kryebashkiaku i Tiranës nga burgu.

Kjo tregon qartë se Veliaj ka shpikur dëshmitarë të rremë për të mbuluar gënjeshtrën e tij pasi një gjë e tillë është mohuar nga ata kur janë thirrur në SPAK.

PËRGJIMET

Në përgjimet e siguruara nga CNA, sipas Veliajt, ka dëshmitarë se janë kërkuar dy milionë euro për burgosjen e tij.

Përgjimet/ Erion Veliaj shpik dëshmitarë të rremë

Përgjimet/ Erion Veliaj shpik dëshmitarë të rremë

“Në orën 09:31, Erion Veliaj i kërkon Ajolës që të bisedojë me Meron dhe me KM e t'u marrë një këshillë, pasi Erioni kërkon të dijë që në postimin e fundit të hënën, të tregojë pa dhënë shumë detaje se sa është kërkuar për kokën e tij. Më pas, këtë frazë Erioni e përsërit sërish: ‘Pra është ofru një shumë, erdhi dikush dhe tha ne po t’na e paguash këtë, sa ka paguar ai qe do ta fusi brenda e zgjidhim. Une sigurisht qe thashë jo, s’ka shans. Tani pyetja eshte ta nxjerrim këtë apo jo?’ I thotë se këtë gjë e ka me dëshmitarë, me Dokushin, Isuf Berberin dhe Myslym Murrizin. I kërkon qe t'i thotë që të takohet me Arbrin pasi ai (Erioni) ka nevojë për këshillë.

Në orën 11:09, Erion Veliaj bisedon me Ajolën dhe i kërkon qe të bisedojë me KM dhe t’i thotë që Erioni ka këtë informacion. T'i thotë që për kokën e Erionit janë kërkuar dy milionë euro, o paguaj ose do të marrim pagesën që ka bërë dikush tjetër. I thotë që t'i shkruajë Edit, që për këtë gjë të dëgjojë Arbrin e vogël, (vëllain e tij) ose Maznikun, ose Fugën, ose Meron. Erion Veliaj i thotë se nuk ka çfarë të bëjë me këtë informacion, pasi ai ishte takuar me Alban Dokushin, Isuf Berberin dhe Myslym Murrizin, dhe i kanë thënë që koka jote vlen dy milionë euro. I kërkon Ajolës që të merret seriozisht me këtë gjë”, thuhet në përgjimet e siguruara nga CNA, ku Veliaj thotë një tjetër gënjeshtër pasi asnjëri prej tyre nuk e ka pranuar atë që ka thënë kryebashkiaku./ CNA





Lajmet e fundit nga