Dokumentet-Skandalet e Adriatik Lapajt

31 Mars 2025, 13:39, Denoncim CNA

Adriatik Lapaj, njeriu që e ka pranuar publikisht se është paguar nga George Soros, njeriu që njihet ndryshe si “Llapa” e Veliajt dhe “ushtari” i tij, që thotë se takimet e tij jashtë vendit dhe në Amerikë i bën me 50 euro, njeriu i cili nuk ka treguar ende financimet e dyshimta të lëvizjes së tij “Shqipëria Bëhet”, është përfshirë në disa skandale.

Kush e financon Adriatik Lapajn?
15 Dhjetor, 09:16

Akuza të rënda ka pasur ndaj “sorosianit” Adriatik Lapaj, i cili është denoncuar publikisht për shërbimet që i ka bërë kompanisë nën hetim për pastrim parash nga SPAK-u dhe se si vjehrri i tij ka dhënë qindra hektarë tokë në jug me vendime gjykate dhe se si Adriatik Lapaj luan rolin e ndërmjetësit mes kompanisë që është nën hetim nga SPAK-u dhe pronarëve të tokës.

Lapaj e pranon në Amerikë: Jam paguar nga Soros
17 Dhjetor, 12:19

Skandali i parë-Adriatik Lapajt vjehrri dhe pronat në jug

Në denoncimin publik të bërë nga deputeti Agron Shehaj ndaj Adriatik Lapajt, rezulton se ky i fundit ka marrë përsipër regjistrimin e një prone miliona euroshe që kompania e Çopjave kishte blerë në bregdet, duke i nxjerrë certifikatën e pronësisë.

Vendimi për pronën, sipas Shehajt, është dhënë nga vetë vjehrri i Adriatik Lapajt, Alltun Çela, në kohën kur ai ishte kryetar i Gjykatës së Sarandës.

Sipas dokumenteve, tregohet se vjehrri i Adriatik Lapajt, gjyqtari Alltun Çela, me vendim në Gjykatën e Shkallës së Parë të Rrethit Gjyqësor në Sarandë, i jep 108 hektarë tokë familjes Ciniu.

Vendimi Shkalla parë – Vjehrri Alltun Çela i jep 108 hektarë tokë familjes Ciniu

Shkalla e dytë, Apel – Adriatik Lapaj përfaqëson pronarët

Vjehrri i tij, Alltun Çela, i jep 20 hektarë tokë familjes Çocoli në Ksamil.

Vjehrri i Lapajt pjesë e vendimit ku i jepen 20 hektarë familjes Çocoli

Vendimi i Gjykatës së Shkallës së Parë në Sarandë tregon se vendimi për dhënien e 20 hektarëve tokë në Ksamil e ka marrë vetë vjehrri i Lapajt, Alltun Çela.

Shehaj publikon dokumentat/ "Lapaj i shërbeu kompanisë në hetim nga SPAK për pastrim parash"
5 Shkurt, 18:37

Skandali i dytë-Lapaj dhe kompania e sekuestruar nga SPAK

Shehaj e akuzoi publikisht Lapajn se kishte marrë 45 milionë lekë nga një kompani e sekuestruar nga SPAK-u për pastrim parash të grupit kriminal “Çopja”.

Dokumenti që do të shihni më poshtë është një kontratë e realizuar mes pronarëve të tokës dhe kompanisë së sekuestruar nga SPAK-u për pastrim parash ku ndërmjetës është Adriatik Lapaj.

“Objekti i kësaj kontrate është dhënia nga shoqëria ‘MERKAJ INVEST’ SH.P.K. të ndihmës financiare dhe nga Av. Adriatik Lapaj të ndihmës juridike për përfaqësimin ef Pales Porositëse pranë ASHK për kryerjen e procedurave administrative pranë Agjencisë Shtetërore të Kadastrës dhe institucioneve të tjera, me qëllim regjistrimin e Vendimit me nr. 23-284-1208 (722), date 16.07.2014 të Gjykatës së Rrethit Gjyqësor Sarandë të lënë në fuqi me vendimin e Gjykatës së Apelit Gjirokastër me nr. 20-2014-815 (499) datë 28.10.2014 i cili ka marrë forme përfundimtare”, thuhet në kontratën që tregon se Lapaj është përfaqësues i kompanisë së sekuestruar nga SPAK-u për pastrim parash, e cila ka marrë hektarët e tokës përmes vendimit të vjehrrit të Adriatik Lapajt.

Kontrate mes pronarëve dhe një kompanie të sekuestruar nga SPAK për pastrim parash (ndërmjetës Adriatik Lapaj)

Nga ky përfaqësim kompania “Merkaj” e sekuestruar nga SPAK-u i mbetet 45 milionë lekë borxh Adriatik Lapajt.

Ky dokument tregon dhe shifrën që kompania “Merkaj” i detyrohet Lapajt.

Skandali i tretë-Lapaj ndërmjetës i kompanisë TDT

Adriatik Lapaj, ndërmjetës i kompanisë “TDT” në Gjirin e Krorëzës.

Adriatik Lapaj rezulton se ka qenë një nga ndërmjetësit e kompanisë “TDT”, e cila do të ndërtojë një resort në Sarandë, që do të shtrihet në një sipërfaqe prej 680 mijë metrash katrorë në zonën poshtë Kalasë së Lëkurësit, mbi të cilën do të ndërtohen vila dhe apartamente, si dhe një hotel me 5 yje, i cili do të ketë rreth 140 dhoma gjithsej.

Adriatik Lapaj ndërmjetës i kompanisë ‘TDT’ në Gjirin e Krorëzës

(LEXO KETU)

Në procesverbalin e ndërmjetësimit theksohet se pas ndërtimit në Krorëz shoqëria “TDT & Partners” SH.P.K. do t’u kalojë në pronësi pronarëve pjesën që u takon./ CNA