web counter
LEXO PA REKLAMA!

SHKARKO APP

App Store
Google Play

Mero Baze: Edi Rama ka qeveri të korruptuar

6 Prill 2025, 20:33, Politikë CNA

Mund të duket e pabesueshme, por ja që është e vërtetë. Njeriu i cili prej 20 vitesh paguhet qindra milionë lekë, është kthyer në një miliarder duke sharë opozitën dhe Sali Berishën, prej të paktën 12 vitesh një shërbëtor poshtë tavolinës së Edi Ramës, së fundmi e ka tradhtuar.

I mërzitur shumë, nervoz, i lodhur, pa fjalë, pa qetësinë dhe zgjuarsinë e tij, por me ligësinë që e karakterizon në pafundësi, në disa rreshta të shkruara dy ditë më parë, Mero Baze bëhet i sinqertë.

Thekson se media (pra CNA) që nxori përgjimet e burgut të Erion Veliajt, ku urdhëroheshin manipulime, urdhra për dëshmitarë për të mos folur, sulme kriminale ndaj prokurorëve dhe gjyqtarëve, ishte paguar nga ministrat e korruptuar të Edi Ramës. Media që i ka nxjerrë përgjimet jemi ne dhe ne sipas Meros na paguajnë ministrat e korruptuar të Edi Ramës.

Lajmi këtu është që Mero Baze thotë që ka ministra të korruptuar të Edi Ramës që na paguajnë. 

Se që ata të paguajnë para për të goditur Edi Ramën apo njerëzit e tij te ne, është e panevojshme që të bëhet pagesa.

Mero Baze: Edi Rama ka qeveri të korruptuar

Nuk ka nevojë të paguajë asnjë ministër i korruptuar apo i ndershëm i Edi Ramës, përfshirë dhe vetë kryeministrin.

Sepse jemi qartazi në detyrën tonë si media për të qenë opozitarë siç kemi qenë për Erion Veliajn, për dosjen “5D”, për inceneratorët, për ligjin e Arsimit të Lartë, për koncensionet në shëndetësi, për investimet dhe tenderët në rrugë, për skandalet dhe aferat e ministrave dhe vetë kryeministrit.

Por ne nuk mund të shkruajmë për ata të cilët ka qef Mero, për ata të cilët ka qejf apo interes Carlo, i cili është paguar nga inceneratorët, i cili është përfitues nga fondet publike, i cili ka marrë prona publike, për ministra me të cilët ata përplasen për interesa klienteliste apo kanë halle të tjera.

Ne nuk mund t’u shërbejmë veglave manipulatore dhe shërbëtorëve të Rilindjes, aspak.

Ne në këtë rast jemi dakord edhe me Meron dhe me Carlo-n që i ka dhënë hapësirën e tij mediatike të paguar nga inceneratorët dhe paratë e pushtetit.

Po, jemi dakord.

Edi Rama ka ministra të korruptuar, kjo është e vërtetë, e padiskutueshme.

E thënë nga goja e Meros është më e vërtetë se kurrë, por një pyetje kemi.

Mero Baze: Edi Rama ka qeveri të korruptuar

 

Si e shtoi pasurinë Mero gjatë pushtetit të Rilindjes? Si mundi?

Kjo ka pak rëndësi se siç kemi theksuar nuk do të merremi as me Meron as me Carlo-n, as me minjtë e tyre të gjirizeve.

Të vazhdojnë të shajnë, të sulmojnë, të bëjnë çfarë të duan.

Ne do të biem dakord me ta kur ata thonë të vërtetën.

Mero Baze ka thënë të vërtetën, Edi Rama ka qeveri të korruptuar.

Edi Rama ka ministra të korruptuar. Kjo është e vërteta.

Ne jemi dakord në këtë rast me Meron dhe e falënderojmë për sinqeritetin e tij. 

Për të tjerat që ka humbur mendjen, kontrollin dhe qetësinë i themi: Nuk të ndihmojmë dot. Përgjimet do t’i publikojmë deri në fund.

Faleminderit Mero që e kuptove pas 12 vitesh që kjo është një qeveri me hajdutë dhe të korruptuar.

Me vonesë, po ja e kuptove dhe ti.

Siç e kuptove me vonesë dhe Sali Berishën, i shërbeve për më shumë se 20 vite, e kuptove se kush ishte Saliu, e braktise, u hodhe te Rama.

Tani pas 20 vitesh e kuptove dhe kush është Edi Rama dhe çfarë qeverie të korruptuar ka Edi Rama./ CNA

 





Lajmet e fundit nga