web counter
LEXO PA REKLAMA!

SHKARKO APP

App Store
Google Play

“Nuk kam marrë, por kam dhënë, kështu u rimor PD-ja”/ Shehaj i përgjigjet Berishës

5 Prill 2025, 21:25, Politikë CNA

“Nuk kam marrë, por kam dhënë, kështu u rimor
Kreu i opozitës, Sali Berisha i ftuar mbrëmjen e 3 prillit në emisionin “Opinion”, akuzoi Agron Shehajn se ka marrë në mënyrë të pabesë databazën e Partisë Demokratike . 

“Agron Shehaj sigurisht që është opozitë e opozitës, ka marrë databazën në pabesi të plotë për të mos thënë dhe më shumë,” deklaroi Berisha.

Në një intervistë të dhënë sot në Klan News, kreu i partisë “Mundësia”, Agron Shehaj ka reaguar ndaj akuzave, duke i quajtur ato absurde.

Ai tha se si sipërmarrës me përvojë në teknologji, ka mbledhur informacione publike gjatë aktivitetit të tij politik dhe i ka vënë ato në shërbim të PD-së dhe demokratëve.

“Kur Lulzim Basha vodhi gjithçka, Rithemelimi s’kishte asnjë informacion. I morën te unë! Të dhënat janë publike, lista e votuesve. Kam punuar me një databazë të madhe për vite me radhë dhe ia kam vënë në dispozicion Berishës dhe demokratëve. Kështu u rimor PD-ja,” deklaroi Shehaj.

Shehaj theksoi se nuk ka marrë asgjë, por përkundrazi ka kontribuar me atë që kishte ndërtuar ndër vite. 

“Më akuzojnë se paskam marrë diçka që unë kam dhënë. Kjo është absurdi!”, u shpreh Shehaj./CNA





Lajmet e fundit nga