web counter
LEXO PA REKLAMA!

SHKARKO APP

App Store
Google Play

Raporti i Prokurorisë së Përgjithshme/ 93% e të hetuarve kanë kryer vjedhje, janë përgjuar mbi 2 mijë persona

4 Prill 2025, 16:42, Politikë CNA

Raporti i Prokurorisë së Përgjithshme/ 93% e të hetuarve

Një raport i dorëzuar në Kuvend nga Prokuroria e Përgjithshme përmban të dhëna të reja sa i përket këtij institucioni për vitin 2024. Sipas raportit, 93.05% e personave të përfshirë në vepra penale gjatë vitit të kaluar janë kryesisht me raste të vjedhjeve banale të sendeve me vlerë të ulët.

Me autorizim të dhënë nga gjykata, Prokuroria ka përgjuar mbi 2000 persona dhe janë vënë në pranga 354 individë. Sipas Prokurorisë së Përgjithshme, veprat penale për të cilat janë përgjuar këta përsona lidhet me këto vepra penale: pastrim parash, korrupsion lidhur me detyrën, krime kundër personit dhe trafikim narkotikësh.

Në vitin 2024, është konstatuar edhe një rritje e procedimeve penale të regjistruara për veprën penale të pastrimit të parave. Në lidhje me veprat penale zgjedhore, gjatë vitit të shkuar janë dërguar për gjykim 8 procedime penale,nga të cilët 11 persona janë marrë si të pandehur dhe 14 persona janë dënuar.

Një nga llojet më të reja të krimit, ai kibernetik, ka shënuar rritje. Janë paraqitur një numër më i madh procedimesh penale në gjykata, me 59 persona të regjistruar si të pandehur.

Sa i përket numrin të procedimeve bazuar në qarqe, Tirana mban numrin më të madh të procedimeve penale, me 35.4% të rasteve, ndërsa Durrësi me 10.3%, Fieri me 8.05% dhe Shkodra me 7.3%. Berati, Kukësi dhe Dibra regjistrojnë numra më të ulët sipas të dhënave të raportit./CNA





Lajmet e fundit nga