web counter
LEXO PA REKLAMA!

SHKARKO APP

App Store
Google Play

“Përgjimet e Veliajt janë një skandal i madh”/ Qafoku: Duhet hetim i thelluar dhe gjithëpërfshirës

4 Prill 2025, 13:59, Politikë CNA

“Përgjimet e Veliajt janë një skandal i madh”/

Gazetari Roland Qafoku u shpreh sot se publikimi i përgjimeve të Erion Veliajt përbën një skandal të përmasave të mëdha. Në një dalje televizive në “Syri TV”, Qafoku tha se kjo është një ngjarje që kërkon një hetim të thelluar dhe gjithëpërfshirës për të zbardhur të vërtetën.

Qafoku theksoi se një skandal i madh dhe më e rënda që të ndodhte në një institucion që ne e cilësojmë më të rëndësishmin e drejtësisë.

Qafoku tha se elementi më i rëndë është ai i nxjerrjes ose mënyra se si vidhen, tërhiqen, merren dhe futen në një sistem që mendohet që është më i sigurti.

“Unë mendoj që më seriozja në këto momente është që, duhet bërë një hetim gjeneral, shterues për gjithçka çfarë ka ndodhur. Ky është një skandal i përmasave të mëdha, nuk është thjesht një detaj i një dosjeje.

Dhe për mendimin tim, aty janë disa elementë. Më e rënda është ajo e nxjerrjes ose mënyra se si vidhen, tërhiqen, merren dhe futen në një sistem që ne mendojmë se është më i sigurti. Sigurisht që edhe pjesa e zbardhjes, në çdo rrethanë, një gazetari që i bie në dorë një material e boton, nuk e mendon dy herë, kjo nuk vihet në diskutim.

Ne kemi yllin polar të këtij stili, kemi Watergate-in, dhe kryeredaktori i 'Washington Post', asgjë tjetër nuk bëri, por i shkonin me postë ato përgjimet për Watergate dhe ai i publikoi. Dhe e dimë të gjithë se çfarë ndodhi më pas.

Në këtë mënyrë, unë mendoj që më seriozja në këto momente është që të nisë hetim gjeneral, gjithëpërfshirës, për gjithçka ka ndodhur. Sepse kjo nuk është një ngjarje e lehtë. Ky është një skandal i përmasave të mëdha që ka ndodhur dhe më e rënda që të ndodhte në një institucion që ne e cilësojmë më të rëndësishmin të drejtësisë”,-tha Qafoku./CNA





Lajmet e fundit nga