web counter
LEXO PA REKLAMA!

SHKARKO APP

App Store
Google Play

E fundit!

x

Rindërtimi i stadiumit “Selman Stërmasi”/ Rama: Bërthamë për një qendër të re urbane

4 Prill 2025, 12:08, Politikë CNA

Rindërtimi i stadiumit “Selman Stërmasi”/ Rama:

Kryeministri Edi Rama ishte sot i pranishëm në fazën finale të Garës Ndërkombëtare për Projekt-ide arkitekturore për rilindjen e stadiumit “Selman Stërmasi”, ku 5 skuadrat finaliste do të prezantojnë konceptet arkitektonike për një stadium të ri sipas standardeve të UEFA-s, kategoria IV.

Në fjalën e tij, Rama tha se ky projekt do ta kthejë atë zonë në një qendër të re të Tiranës. Rindërtimin e stadiumit “Selman Stërmasi”, Rama e quajti si një bërthamë për një qendër të re urbane.

Skuadrat konkurruese janë disa grupe kompanish, që ofrohen për të kryer konceptet arkitektonike për këtë projekt të rëndësishëm për futbollin.

“Janë bërë projektet e zbatimit dhe IC ka shpallur garën për zhvilluesit, kështu që të gjithë janë të ftuar t’i shikojmë të tria këto mundësi zhvillimi. Stadiumi, janë qendra të reja urbane, në Durrës, Vlorë dhe Korçë. Tani i vjen radha stadiumit 'Selman Stermasi', edhe ky sipas kërkesës së bërë për studiot është një tjetër bërthamë për një qendër të re urbane, që jam i bindur që duke pasur parasysh konkurrentët, do të jemi në kushtet ku do të bëjmë një zgjedhje të mirë.

Dua të përmenden këtu edhe disa procese të tjera të filluara, ndërtimin e qendrës së re administrative që do të akomodojë 18 institucione për ndërtimin e godinës së re të Kadastrës, biblioteka e re kombëtare me një konkurs që do të shpallet së shpejti. Ndërkohë që po punohet dhe është në kantier akademia e Manchester City në Durrës, së shpejti edhe akademinë e Nadal në Durrës. Agjencia është në diskutime me NBA për akademinë e NBA po në Durrës, ku duam të ndërtojmë një destinacion akademish sportive.

Në fund, së shpejti po ashtu, e them këtë se e di që këtu ka jo pak përfaqësues kompanish, IC do të shpallë edhe proceset për ndërtimin e një sistemi të ri parkimesh në kryeqytet dhe bregdet, ku ne do të përfshijmë të gjithë arkitektët ndërkombëtarë, me të cilët do të organizojmë edhe festivalin e arkitekturës në fillim të qeshorit. Për parkimet, është t’i përgjigjemi një sfide të madhe që është nevoja për më tepër parkime dhe për një sistem të pranueshëm të qarkullimit që ka filluar të japë shenja vështirësie të dukshme”,-tha Rama./CNA

 





Lajmet e fundit nga