web counter
LEXO PA REKLAMA!

SHKARKO APP

App Store
Google Play

“Akt gjenocidal ndaj artit dhe kulturës shqiptare”/ Berisha: Flitet vetëm për shkarravinat e Edi Ramës

3 Prill 2025, 13:57, Politikë CNA

“Akt gjenocidal ndaj artit dhe kulturës shqiptare”/ Berisha:

Kreu i Partisë Demokratike, Sali Berisha, ndau sot një pjesë të rëndësishme nga programi i PD-së për kulturën. Në fjalën e tij, nga selia e PD-së, Berisha u ndal te problemet në fushën e kulturës. Berisha e nisi konferencën për median me mbajtjen e një minuti heshtje për ndarjen nga jeta të ikonës së kinematografisë dhe teatrit shqiptar, Margarita Xhepa.

Berisha, në fjalën e tij, theksoi se situata e kulturës shqiptare është më keq se kurrë dhe se ky është akt genocidal ndaj artit dhe kulturës shqiptare.

Berisha u shpreh se buxheti për kulturën në Shqipëri është buxheti më qesharak.

Berisha shtoi se në Shqipëri flitet për artin vetëm për shkarravinat e Edi Ramës, që sipas tij nuk panë kurrë dritë deri në momentin që u bë kryeministër.

“Sot do të paraqes vizionin dhe programin e PD-së për kulturën. Situata e kulturës shqiptare është më keq se në çdo pushtim që mund të ketë pasur Shqipëria.

Mafia në pushtet ka shkatërruar të gjithë infrastrukturën që ekziston në çdo kryeqytet të botës, për artin dhe kulturën. Kjo përveç Teatrit të Operës dhe Baletit.

Një akt gjenocidal ndaj artit dhe kulturës shqiptare, i njëjti fat me kinematë e fëmijëve dhe institucioneve të tjera të kulturës. Janë dëshmi e qëndrimit përçmues të narkoeksponentëve ndaj kulturës shqiptare.

Buxheti për kulturën është buxheti më qesharak. Trashëgimia kulturore është objekt agresioni barabar nga mafia shqiptare dhe ndërkombëtare.

Shqipëria është ndër vendet më të pasura në botë në trashëgimi. Po përfundon në rrjetet më mafioze për këtë trashëgimi.

Artstët janë sot njerëzit më të braktisur e më të pambështetur. Jeta artistike në kryeqendrat tona nuk ekziston më. Galeria e Arteve u dyllos pa ndonjë aktivitet.

Në Shqipëri flitet për artin vetëm për shkarravinat e Edi Ramës. Ato nuk panë kurrë dritë deri në momentin që u bë kryeministër”,-tha Berisha./CNA

 





Lajmet e fundit nga