web counter
LEXO PA REKLAMA!

SHKARKO APP

App Store
Google Play

“Për shqiptarët është e qartë arsyeja e integrimit”/ Rama: BE-ja garanton lirinë dhe barazinë para ligjit

3 Prill 2025, 11:31, Politikë CNA

“Për shqiptarët është e qartë arsyeja e

Kryeministri Edi Rama ishte sot i pranishëm në takimin e dytë të nivelit të lartë “Shqipëria 2030 në BE - Rruga e Reformave”. Në fjalën e tij, Rama theksoi se për shqiptarët të qenit anëtarë të BE-së është të qenit përfundimisht të lirë nga hija e historisë dhe të sigurt për liri individuale dhe barazi para ligjit.

Rama tha se për shqiptarët ka qenë e thjeshtë dhe mbetet e thjeshtë, "pse"-ja e domosdoshmërisë së të qenit anëtarë të BE-së.

Rama shtoi se qysh prej vitit 1983, BE nuk ka qenë më popullore brenda perimetrit të vet, në këndvështrimin e popujve të vet, sesa aktualisht.

“Doli një anketë për nivelin e mbështetjes së BE-së, brenda BE-së, nga ana e popujve që e përbëjnë familjen europiane. Një anketë e cila publikohet qysh prej 1983, BE nuk ka qenë më popullore brenda perimetrit të vet, në këndvështrimin e popujve të vet, sesa aktualisht. Është një ndryshim dramatik i këndvështrimit popullor në BE, që natyrisht vjen si rezultat i faktit se çka ishte marrë deri para pak kohësh si e mirëqenë, nuk është më e mirëqenë.

Për herë të parë në histori, një gjeneratë e tërë nuk ka parë në luftë, se nuk kishte parë një luftë, janë vetëdijesuar se BE është edhe një perimetër sigurie, brenda të cilit vendet dhe popujt që e përbëjnë ndihen dhe duan të mbeten të pakërcënuar në të gjitha ato që kanë arritur dhe mbi të gjitha në lirinë e tyre individuale dhe në barazinë e tyre para ligjit. Patjetër pastaj edhe në të gjitha asetet e tjera që e bëjnë BE-në një krijesë të jashtëzakonshme politike.

Për ne shqiptarët ka qenë më e thjeshtë dhe mbetet më e thjeshtë, 'pse'-ja e domosdoshmërisë së të qenit anëtarë të BE-së. Për ne shqiptarët të qenit anëtarë të BE-së është të qenit përfundimisht të lirë nga hija e historisë sonë dhe të sigurt se liria jonë individuale dhe barazia para ligjit, nuk do të jenë një atribut i lëvizshëm në varësi nga kush qeveris këtu në Tiranë”,-tha Rama./CNA





Lajmet e fundit nga