web counter
LEXO PA REKLAMA!

SHKARKO APP

App Store
Google Play

Plani për Arsimin/ Rama: Do ta çojmë pagën mesatare të mësuesve në 1250 euro

2 Prill 2025, 18:25, Politikë CNA

Plani për Arsimin/ Rama: Do ta çojmë pagën mesatare

Kryeministri Edi Rama zhvilloi sot një takim me mësuesit në gjimnazin  “Besnik Sykja” në Tiranë. Rama u ndal te plani për arsimin dhe konkretisht te ndryshimet me pagat e mësuesve.

Rama theskoi se në planin për arsimin për vitet e ardhshme synohet që paga mesatare e mësuesve të shkojë në 1250 euro.

Rama tha se kjo pjesë e planit është plotësisht e bëshme dhe shkon në favor të rritjes së dëshirës për të shkuar në punë dhe për të për të punuar.

Sa i përket gjendjes së shkollave, Rama tha se beson faktin se nuk kemi shkolla si në Europë, po kemi shkolla si shkollat më të mira në Europë.

“Qëllimi, ambicia jonë dhe plani, jo ambicia, por plani ynë është që në vitet e ardhshme brenda kësaj dekade, ne pagën mesatare të mësuesve do ta çojmë në 1250 euro. Është e bëshme, është plotësisht e bëshme, nuk besoj se do të kemi problem me këtë, ndërkohë që siç foli kryetarja në detyrë e bashkisë, siç foli ministrja, pjesa tjetër e përmirësimit të vazhdueshëm të kushteve në shkolla prapë është diçka që shkon në favor të rritjes së dëshirës për të shkuar në punë dhe për të për të punuar.

Se tjetër është thjesht një shkollë ku s'ka kushte, isha përpara pak ditësh në një kantier në Shkodër, në mes Shkodrës, shkolla “Ndre Mjeda”, një shkollë me goxha në fakt rezultate të mira, edhe me rezultate të mira nxënësit nëpër konkurse dhe nuk i besoja dot syve.

As syve, as hundës që më sillte atë aromën e shkollave që dikur vinin vetëm era lagështi, ngrohje as harroje në një tmerr, një tmerr. Një shkollë që nuk kishte vënë dorë, besoj që ditën që ishte ndërtuar, kushedi se kur. Ka akoma realitete të tilla, por nga ana tjetër, në Tiranë, unë besoj që ne mund të jemi shumë krenarë për faktin se nuk kemi shkolla si në Europë, po kemi shkolla si shkollat më të mira në Europë”,-tha Rama./CNA





Lajmet e fundit nga