web counter
LEXO PA REKLAMA!

SHKARKO APP

App Store
Google Play

E fundit!

x

“Opozita e Antishqiptarisë Madhështore”/ Bido: Është shtojcë e Agimit të Artë

2 Prill 2025, 18:18, Politikë CNA

“Opozita e Antishqiptarisë Madhështore”/ Bido:

Kandidati i PS-së për Vlorën në listën e hapur, Ardit Bido ka  akuzuar sot opozitën si një stojcë e partisë neonaziste greke Agimi i Artë. Bido e ka quajtur si “Opozita e Antishqiptarisë Madhështore”.

Në videon e postuar nga Bido në rrjetet sociale, dëgjohet që turma e mbledhur për një event në SHBA, ka bërë thirrje që të votohet ish-kandidati për Bashkinë e Himarës, Petro Gjikuria.

Bido shprehet se ky akt ndërmerret nëpërmjet një lëvizjeje që nuk pi ujë as në Greqi, e jo më tek vëllezërit minoritarë të zonës.

Bido tha se më 11 maj, shqiptarët, përfshirë edhe shqiptarët me kombësi greke do t’i japin përgjigjen e merituar kësaj opozite në kutinë e votimit.

"E nxorën kokën, do të ndëshkohen me votë!
Opozita e Antishqiptarisë Madhështore e trajton qarkun e Vlorës si një shtojcë të Agimit të Artë, një lëvizje që nuk pi ujë as në Greqi, e jo më te vëllezërit tanë minoritarë, me të cilët jemi rritur, kemi ndarë jetën dhe jemi një në këtë zonë.
Kandidati i saj, së bashku me mbështetës në Shtetet e Bashkuara të Amerikës, doli publikisht dhe bëri thirrje për të votuar këtë opozitë përmes një bezeje, që përfaqëson vdekjen e mbi 10 mijë shqiptarëve, dëbimin e një të tretës së shqiptarëve nga jugu dhe juglindja, si dhe djegien e dhjetëra fshatrave të qarkut të Vlorës.
Kjo video flet vetë. Unë nuk kam nevojë të flas më shumë.
Më 11 maj, shqiptarët, përfshirë edhe shqiptarët me kombësi greke, vëllezërit tanë minoritarë, do t’i japin përgjigjen e merituar kësaj maskarade, në kutinë e votimit. Ata do të flasin fort në emër të paqes dhe të bashkëjetesës, dhe do të çojnë në Parlament një zë që nuk do të përtojë t’i dalë përballë kësaj opozite.
Një opozitë që në vitet ’90 rrihte djemtë e Finiqit, vetëm pse kishin kombësi greke, pa bërë asgjë, dhe që sot është zhytur në ideologjitë e Agimit të Artë, pa njohur aspak harmoninë që mbretëron në këtë tokë, shumë larg nacionalizmit ekstrem që kërkon të importojë.
Doktor, shihemi në Kuvend! Mirupafshim!",-shkruan Bido./CNA 





Lajmet e fundit nga