web counter
LEXO PA REKLAMA!

SHKARKO APP

App Store
Google Play

E fundit!

x

PD, luftë me kallëzime penale siç kur drejtohej nga Alibeaj

2 Prill 2025, 14:46, Politikë CNA

PD, luftë me kallëzime penale siç kur drejtohej nga Alibeaj

Sot u njoftua se PD i paska nisur kërkesë SPAK-ut për të marrë informacion për kallëzimet penale që janë regjistruar për krime zgjedhore.

Pa nisur ende fushata, PD është fiksuar te kallëzimet penale.

Kjo të sjell në mend kohën kur PD drejtohej nga Alibeaj sepse Luli kishte dhënë "dorëheqjen".

Në atë fushatë PD-ja bëri male me letra, të cilave pasi u vinte titullin "kallëzim penal", i depozitonte ku të mundej.

Kaq shumë kallëzime u shkruan ato ditë saqë të gjithë u bindën se PD-ja nuk po bënte fushatë.

Thjesht ca zyrtarucë në një zyrë po mblidhnin letra, denoncime e filmime dhe po firmosnin kallëzime penale, nën drejtimin e Gaz Bardhit që e kishte ende inatin me Babin e Zenit që sipas tij po i shërbente Ramës.

Zyrtaruci qenka rikthyer!

Dikur shkruante dhe vinte të firmoste Alibeajn.

Sot i bën letra SPAK-ut dhe ia jep t’i firmosë Nuni. Ndërkohë po mpreh tastierën e laptopit që të nisë të shkruajë kallëzine penale.

Nga një në ditë, për çdo qark. Në vend të dalin të bëjnë fushatë, Gazi po mbyll prapë gjithë juristët e PD-së në zyrë të shkruajnë kallëzime penale.

PD kur Gazi drejtonte këtë strategjinë e kallëzimeve penale, i humbi zgjedhjet.

Sot, situata është edhe më keq. Kandidatët e PD-së nuk kanë hapur akoma zyrat elektorale. Pa zyra elektorale do të thotë pa shtabe elektorale. Pa shtabe elektorale do të thotë pa takime elektorale. Pa takime elektorale do të thotë humbje e thellë. Por ca si Gazi janë mësuar kur fitonin nga humbja që kur ishin me Lulin.

Ato malet me letra që shkruajti Gazi u kërkua dikur të bëheshin komision hetimor parlamentar.

Asnjeri nuk mori vesh ku shkoi, si shkoi dhe çfarë shkoi nga ai komision hetimor. Enkelejdi kishte ca delire të tjera për të zgjidhur ato kohë dhe është e kotë ta pyesësh sot nëse mban mend gjë.

Sot Gazi ka nisur, po rimbush malin me letra.

Nuk dihet se ku e ka marrë këtë modelin e fitores me kallëzime penale, por Gazi po nis të shkruajë.

Pastaj do të kërkojë edhe komision hetimor që të gjejë kush i vodhi zgjedhjet.

Si fillim, për nxemje, po i kërkon llogari SPAK-ut. Do të dijë se kush i ka vjedhur kallëzimet penale./ CNA





Lajmet e fundit nga