E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Celibashi jep detaje për zgjedhësit në Diasporë, ja kur do të dërgohen fletët e votimit

2 Prill 2025, 10:24, Politikë CNA

Celibashi jep detaje për zgjedhësit në Diasporë, ja kur do

Kreu i KQZ-së, Ilirjan Celibashi, ka dhënë detaje në lidhje me procesin zgjedhor për votuesit nga jashtë.

Celibashi tha se sot do të formalizohet kontrata me operatorin që do të dërgojë fletën e votimit për zgjedhësit jashtë.

Celibashi u shpreh se nisja e fletëve të votimit jashtë për zgjedhësit do të nisë nga datat 8-9-10 prill dhe do të ketë afat deri më 17 prill për të dhënë votën e tij.

Gjithashtu bëri me dije se është përcaktuar dhe vendi ku do të numërohen votat e zgjedhësve nga jashtë dhe do të jetë në Pallatin e Sportit "Fetih Borova" te Parku Olimpik i Tiranës.

“Kompania që do të dërgojë fletët e votimit jashtë do të jetë 'DHL International Albiania SH.P.K.'. Votuesit nuk do të paguajnë për këtë shërbim. Koston e paguan shteti shqiptar. Vlera totale e kontraktimit me këtë operator është 9.2 milionë euro.

Me një çmim mesatar 37.52 euro. Sot formalizojmë në një kontratë mes KQZ dhe operatorit. Ka filluar procesi i printimit të votimit për jashtë vendit.

Nga komunikimi që kemi fletët e votimit po prodhohen në Slloveni.

Besojmë që mes datës 7-8 prill do t'i kemi këtu fletët e votimit për votimin nga jashtë dhe nga 8-9-10 prill bëhet përgatitja e zarfeve dhe dokumentacioni që do t'u dërgohet zgjedhësve jashtë vendit.

Afati maksimal i dërgimit të fletës së votimit është 17 prill. Është kohë e mjaftueshme sipas shërbimeve kontraktuale me postën për t’i dërguar zarfet për t'u dhënë kohë 4 ditë zgjedhëvse që të plotësojnë fletën e votimit.

Po përfundojmë një spot dhe një tutorial për gjithçka sa duhet të dijë dhe bëjë votuesi nga jashtë mbi dokumentimin zgjedhor.

Do të ketë një udhëzues që do t'i gjykojë për të gjitha çfarë do të duhet të bëjë votuesi nga jashtë.

Kemi përcaktuar vendin e numërimit të votave të zgjedhësve nga jashtë që do të jetë pallati i sportit 'Feti Borova' te parku olimpik i Tiranës. Do jetë i aksesueshëm dhe i vëzhguar nga media, vëzhgues të ndryshëm, përfaqësues të partive dhe i monitoruar me kamera. Pamjet do jenë live 24/7 deri në përfundimin e procesit.

Numri përfundimtar i votuesve në listë 245,935 zgjedhës në listën e votuesve nga jashtë”, tha Celibashi./ CNA