web counter
LEXO PA REKLAMA!

SHKARKO APP

App Store
Google Play

E fundit!

x

"Lëri të rinjtë, po fol për lejet e kullave"/ Xhaferri: Kreu i narkosulltanit u ndal te FRPD, pasi FRESSH-in e ka shkrirë

1 Prill 2025, 15:36, Politikë CNA

"Lëri të rinjtë, po fol për lejet e kullave"/

Kryetari i FRPD-së, Besart Xhaferri, me anë të një statusi në rrjetet sociale është ndalur te deklaratat e kryeministrit Rama për të rinjtë e PD-së.

Xhaferri tha se Rama flet për FRPD-në, pasi për FRESSH-in nuk flet dot se e ka shkrirë. Kreu i FRPD-së shkruan në statusin e tij se Rama po u jep leje për kulla bandave dhe po lë rininë pa shtëpi.

 

“Edi Rama lëri të rinjtë e FRPD, po fol për lejet e kullave që firmos fap e fap për Bandat që po lënë të rinjtë pa shtëpi!

Kreu i Narkosulltanit në rubrikën sy n’sy me patronazhistët u ndal sërish te FRPD, pasi për FRESH nuk ka çfarë flet se e ka shkrirë.

Nuk mund të flasësh ti për të rinjtë pasi si askush tjetër ke kontribuar në eksodin e tyre dhe prej 8 vitesh me projektin tënd të pastrimit të parave i ke privuar nga mundësia për të blerë një pronë, si bazë për të ndërtuar të ardhmen.

Të rinjtë e FRPD, FRESSH, LRI, e të rinjtë shqiptarë  duhet të futen 70 vite kredi në bankë për të blerë një pronë se ti pastrimin e parave në ndërtim e ke kthyer në sipërmarrje private që kur ke qenë në krye të Bashkisë.

Së fundmi dhe leje për kulla në bregdet për një grup kriminal në Durrës dhe për një trafikant në Vlorë që ishte pjesë e tragjedisë së 9 Janarit.

Projektit tënd të pastrimit të parave në ndërtim ne do ti përgjigjemi me projektin “Një çati  për çdo çift të ri” që do ndihmojë të rinjtë për të blerë një pronë duke u akorduar një grant 30 mijë euro”, shkruan Xhaferri./ CNA





Lajmet e fundit nga